Arxiv
8 May 2019, 12:35 | HADİSƏ
Yardıma ehtiyac duyanların ümid yeri 

İnsanlara yaxşılıq etmək Heydər Əliyev Fondunun ali prinsipidir


Bir neçə gündən sonra 15 yaşı tamam olacaq Heydər Əliyev Fondu  tariximizə müstəqil Azərbaycan Respublikasının qurucusu kimi daxil olan Heydər Əliyevin xatirəsinə ehtiramı ifadə etmək arzusundan, onun zəngin mənəvi irsini təbliğ etmək, azərbaycançılıq fəlsəfəsinin ölkəmiz üçün əhəmiyyətini vurğulamaq, milli dövlətçilik ideyalarını yeni nəsillərə aşılamaq zərurətindən irəli gələrək yaradılıb.


2004-cü ildən fəaliyyətə başlamış Heydər Əliyev Fondu təhsil, səhiyyə, mədəniyyət, idman, elm və texnologiya, ekologiya, sosial və digər sahələrdə müxtəlif layihələr həyata keçirərək yeni cəmiyyət quruculuğunda fəal iştirak edir, ölkənin sosial-iqtisadi inkişafına öz töhfəsini verir.

Heydər Əliyev Fondunun prezidenti, Azərbaycanın birinci xanımı, UNESCO və İSESCO-nun Xoşməramlı səfiri Mehriban Əliyeva digər sahələrdə olduğu kimi, səhiyyə sahəsində də böyük layihələrin təşəbbüskarıdır.

Onlardan biri “Diabetli uşaqlara ən yüksək qayğı” layihəsidir. 2004-cü il dekabrın 4-də Fondda layihənin təqdimatından sonra ictimaiyyətin, yerli və xarici təşkilatların diqqəti ölkəmizdə diabetli uşaqların probleminə cəlb edilib, bu xəstəliyə tutulmuş 14 yaşadək uşaqların dərmanlarla təmin olunmasındakı çətinliklər aradan qaldırılıb. Bu iş indi də davam etdirilir, diabetdən əziyyət çəkən uşaqlar və böyüklər insulin, qlükometr və dərmanlar sarıdan korluq çəkmirlər.


Fondun səhiyyə sahəsində həyata keçirdiyi mühüm layihələrdən biri də talassemiya xəstəliyinin müalicəsi ilə bağlıdır. Bu xəstəlikdən əziyyət çəkən insanların təhlükəsiz və keyfiyyətli qanla təmin olunması üçün donor xidmətinin inkişafı, əhalinin maarifləndirilməsi, prenatal diaqnostika üsulu ilə xəstəliyin proqnozlaşdırılması məsələləri həmin layihə üzrə görülən işlərin əsas istiqamətləridir.
Bakıda müasir avadanlıqla təchiz olunmuş Talassemiya Mərkəzinin yaradılması həmin layihənin Azərbaycan səhiyyəsinə sanballı töhfəsidir.

Mehriban Əliyevanın diqqət və qayğısı sayəsində Daun Sindromlu Şəxslərin Reabilitasiya Mərkəzinin inşası da samballı səhiyyə təşəbbüslərindəndir.

Heydər Əliyev Fondu ölkəmizdə səhiyyənin müxtəlif sahələrində yeni texnologiyaların tətbiqinə kömək edir, təbabətin ən müasir nailiyyətlərinin Azərbaycana gətirilməsi üçün beynəlxalq əməkdaşlığa xüsusi diqqət yetirir.

Ölkənin müxtəlif bölgələrində səhiyyə ocaqlarının tikilməsi, bir sıra xeyriyyə aksiyalarının, pulsuz müayinə və müalicələrin təşkili məhz Heydər Əliyev Fondunun təşəbbüsü ilə reallaşıb. Yeni tibb müəssisələrinin açılması, səhiyyə sahəsində aparılan islahatlar Fondun prezidenti Mehriban xanım Əliyevanın daim diqqət mərkəzindədir.


Heydər Əliyev Fondunun Azərbaycanda səhiyyənin inkişafı, yeni xəstəxanaların açılması və onların müasir avadanlıqla təchiz edilməsi sahəsində gördüyü işlər dünyanın beynəlxalq qurumları tərəfindən də yüksək qiymətləndirilib.


“Heydər Əliyev Fondu səhiyyə sahəsində çox böyük işlərə imza atıb”. Bunu Modern.az-a  Fondun gördüyü işlərdən danışan deputat Məlahət İbrahimqızı deyib.


Deputat qeyd edib ki, immunlaşdırmadan başlamış səhiyyədə həyata keçirilən iri layihələrə qədər tibbin hər bölməsində Fondun təşəbbüsləri, xidmətləri böyükdür:


“İnfrastruktur layihələrinin həyata keçirilməsində xüsusilə Heydər Əliyev Fondunun gördüyü işləri vurğulamaq lazımdır. Perinatal mərkəzlərin, uşaq səhiyyə müəssisələrinin təmiri, xəstəxanaların yüksək avadanlıqlarla təmin olunması Fondun müsbət addımları sırasındadır.

Dünyada ən təhlükəli məqamlardan biri epidemiya dərəcəsinə çata biləcək uşaq infeksion xəstəliklərinin yayılmasıdır. Mehriban xanım Əliyevanın təşəbbüsü və rəhbərliyi ilə Heydər Əliyev Fondunun dəstəyi sayəsində həyata keçirilən immunizasiya proqramı infeksion xəstəliklərin statistikasını xeyli azaldıb.

Tək sadaladıqlarımız deyil, həmçinin, şəkər xəstəliyi, anadangəlmə psixonevroloji, fiziki və əqli problemlər, ürək çatışmazlığı və s. xəstəliklərlə üz-üzə qalmış uşaqların müalicəsi üçün ciddi işlər həyata keçirilib. Ölkədə çoxprofilli xəstəxana, tibb müəssisələri şəbəkələrinin, müasir standartlara cavab verən tibbi infrastrukturların həyata keçirilməsində Heydər Əliyev Fondu yaxından dəstəkçidir.
Fondun yaradılmasından bu yana 15 ildir ki, müxtəlif kateqoriyalı xəstəliklərdən əziyyət çəkən insanlar quruma müraciət edir, maddi dəstək ala bilirlər”.


Deputat Rauf Əliyev bildirib ki, Heydər Əliyev Fondunu xalqımıza ən çox sevdirən onun prinsipləridir:


“Bu prinsiplərin əsasında çox sadə bir ideya dayanır: insanlara yaxşılıq etmək. Ötən 15 il ərzində  Heydər Əliyev Fondu ölkədə səhiyyənin inkişafı ilə bağlı həyata keçirilən dövlət siyasətinə də güclü dəstək olub. Paytaxtda və respublikamızın müxtəlif bölgələrində tikilən çoxsaylı səhiyyə ocaqları ilə yanaşı, Fond cəmiyyəti narahat edən bir çox problemlərin həllinə yaxından yardım edib”.


Bəli, Heydər Əliyev Fondu müxtəlif xəstəliklərə düçar olmuş insanlara humanitar yardım məsələsini daim diqqət mərkəzində saxlayır. Bu zaman uşaq, gənc, yaşlıya fərq qoyulmur…

Fondun prezidenti Mehriban Əliyeva məhz humanitar sahədə oynadığı vacib rola görə Azərbaycan xalqının dərin rəğbət və sevgisini qazanıb. Mehriban Əliyevanın malik olduğu yüksək insani keyfiyyətlər, xalqın və ölkənin yüksəlişi istiqamətində göstərdiyi səylər, xarici  humanitar yardım missiyalarına verdiyi töhfələr istər ölkə daxilində, istərsə də beynəlxalq miqyasda birinci xanımın yüksək imicinin formalaşmasına böyük təsir edib və onun ən yüksək vəzifəyə layiq görülməsinə yol açıb.

Bir sözlə, Heydər Əliyev Fondunun yaradılması Azərbaycan dövlətinin cəmiyyətə ünvanlanan ali məqsədlərinin reallaşdırılması yolunda tarixi nailiyyətə çevrildi. Yarandığı gündən Fondun qarşısına qoyduğu məqsədlər miqyası ilə fərqləndi. Mehriban Əliyevanın rəhbərlik etdiyi Fond cəmiyyəti narahat edən, Azərbaycan vətəndaşlarının həyatı, sağlamlığı ilə bağlı olan sahələrə diqqət yönəltdi. Məqsədlər o qədər aydın və ali oldu ki, Heydər Əliyev Fondu yardıma ehtiyac duyan hər bir kəsin ümid yerinə çevrildi.

Məqsədlərinin əhəmiyyətinə, miqyasına və sambalına görə Azərbaycanda alternativi olmayan Fond ötən illərdə ulu öndərin ölkənin sosial-iqtisadi, mədəni tərəqqisi, sivil dünya birliyinə inteqrasiyası, xalqın maddi rifahının yaxşılaşdırılması naminə müəyyən etdiyi ideyaların reallaşmasına dəstək verir. Bu fəaliyyət indi də davam edir, sabah da belə olacaq…

BU KATEQORİYADAN OLAN DİGƏR XƏBƏRLƏR
+ Arxiv
"Qarabağ"ın qrupunda gözlənilməz nəticə 20 Sentyabr 2019, 00:44 Vilayət Eyvazov İdarə rəisini təqaüdə göndərdi 20 Sentyabr 2019, 00:27 Bakıda qadın qonşusu tərəfindən döyülüb 20 Sentyabr 2019, 00:14 25 yaşlı “Əsrin müqaviləsi” - Böyük dəyişikliyə uğurlu başlanğıc 20 Sentyabr 2019, 00:00 "Sonrakı matçlara daha da ciddi hazırlaşmalıyıq" - Qurban Qurbanov 19 Sentyabr 2019, 23:43 Azərbaycan nefti ucuzlaşıb 19 Sentyabr 2019, 23:30 Elmar Məmmədyarov Macar həmkarı ilə görüşdü 19 Sentyabr 2019, 23:13 “Qarabağ”  doğma meydanda məğlub oldu - 0:3 19 Sentyabr 2019, 22:49 Türkiyədən azərbaycanlılar kütləvi deport edilmir - RƏSMİ 19 Sentyabr 2019, 22:26 Sumqayıtın bəzi ərazilərinqə qaz olmayacaq 19 Sentyabr 2019, 21:57 “Maşın” şouda bu məşhurlar yarışacaq - FOTO 19 Sentyabr 2019, 21:42 İlham Əliyev Ümumçin Xalq Nümayəndələri Yığıncağı Daimi Komitəsinin sədrini qəbul edib - YENİLƏNİB 19 Sentyabr 2019, 21:32 "Çox mənəvi üzüntü yaşayıram" - Fuad Qəhrəmanlı 19 Sentyabr 2019, 21:15 Ayağı kəsilən Xalq artistinin arzusu ... 19 Sentyabr 2019, 21:04 Daha bir KİVDF yaradıldı - RƏSMİ 19 Sentyabr 2019, 20:52 Kərim Kərimova Prezidentin fərdi təqaüdü veriləcək - SƏRƏNCAM 19 Sentyabr 2019, 20:41 Neft sənayesi işçiləri təltif edildi - SİYAHI 19 Sentyabr 2019, 20:29 “Mənə hakimiyyətdən təzyiq olmayıb” - Fuad Qəhrəmanlının qızı danışdı - VİDEO 19 Sentyabr 2019, 20:13 "Qarabağ" "Sevilya"ya qarşı bu heyətlə oynayacaq 19 Sentyabr 2019, 20:02 BDU-da qurultay keçirildi 19 Sentyabr 2019, 19:26 Rövşən Rzayev almaniyalı diplomatlarla görüşüb 19 Sentyabr 2019, 19:03 Fərid Şahbazlı ATƏT-də çıxış etdi: “Azərbaycanda QHT-lər dövlətin əsas tərəfdaşıdır” 19 Sentyabr 2019, 18:51 Xırdalanda 4 yük avtomobili yanıb   19 Sentyabr 2019, 18:47 “Qafqaz neoliti” filmi təqdim olundu 19 Sentyabr 2019, 18:31 “Əsrin müqaviləsi” Azərbaycanı dünyada sabit, təhlükəsiz ölkə kimi tanıtdı 19 Sentyabr 2019, 18:28 Binəqədidə avtomobil qaz xəttinə çırpıldı -  Qaz kəsildi 19 Sentyabr 2019, 18:17 Gürcüstan azərbaycanlıları baş nazirdən universitet yaradılmasını tələb edir 19 Sentyabr 2019, 17:53 Nazirlik rəsmi qeydiyyata alınan işsizlərin sayını açıqladı 19 Sentyabr 2019, 17:50 Azərbaycan güləşçisi dünya çempionatında bürünc medal qazanıb 19 Sentyabr 2019, 17:47 Aparıcıdan “Qarabağ”a dəstək - VİDEO 19 Sentyabr 2019, 17:41 FHN 168 binanın istismarına müsbət rəy verdi 19 Sentyabr 2019, 17:35 “Atəşgah Sığorta”ya məxsus maşın qəzaya düşdü - İki nəfər ölüb 19 Sentyabr 2019, 17:11 Manatın məzənnəsində dəyişiklik? 19 Sentyabr 2019, 17:11 Müsavatda başqanlığa QADIN namizəd 19 Sentyabr 2019, 17:04 Kənd Təsərrüfatı Nazirliyindən İsmayıllıda zəhərlənənlər barədə AÇIQLAMA: Günvurmaya oxşayır 19 Sentyabr 2019, 16:45