Arxiv
4 İyun 2019, 09:24 | DİASPOR
Amerikanın azərbaycanlı neftçisi

Mərhum Rəşid Behbudovun çəkildiyi “Bəxtiyar” filminə yəqin ki, hamınız tamaşa etmisiniz. Həmin filmdəki Bəxtiyar 200-300 metr dərinlikdən neft çıxarırdısa, haqqında söhbət açmaq istədiyim Bəxtiyar Səlimovun çalışdığı şirkətin işçiləri isə 2000-3000 metrlikdən neft hasil edə bilirlər. Bu Bəxtiyar, o Bəxtiyar kimi oxumağı bacarmasa da, fəqət on yaşından on yeddi yaşına qədər üzgüçülüklə, on altı yaşından on doqquz yaşınadək idmanın cüdo növü ilə məşğul olub. İyirmi dörd yaşından isə şeir yazır. Atıcılıqla məşğul olmağı xoşlayır. Karandaşla qrafik rəsmlər çəkməkdən zövq alır. Bütün bunlar azmış kimi, hətta Azərbaycan mətbəxinin təamlarını evdə bəzən özü hazırlayır…

…Ata babası Babaəli Səlimov iyirmi beş il Bakının keçmiş Əzizbəyov rayonunun prokuroru olub. Ana babası Əbdül Ələsgərov Daxili İşlər Nazirliyinin istintaq idarəsində prokuror işləyib. Atası Rafiq Səlimov uzun illər məsul vəzifələrdə çalışıb. Mərhum anası İradə xanım isə ingilis dili müəllimi olub…

Qarabağın işğaldan tezliklə azad edilməsi onun da ən böyük arzusudur. Ehtiyac olarsa, əlinə silah alıb döyüşməyə hazır olduğunu söyləyir. Qorxmazdır, hətta Karib dənizində akulalara yem verib. Üstəlik təyyarədən paraşütlə də tullanıb. Avropanın əksər ölkələrinə, Afrikanın bəzi bölgələrinə, ABŞ-ın bir sıra ştatlarına səyahət edib…

Deyir ki, Amerikaya gəlmək, burada özünü təsdiq edib vətənə dönmək, Azərbaycan iqtisadiyyatına fayda vermək uşaqlıq arzusu olub: “Necə deyərlər, mən ABŞ-a arzuların qanadında gəlmişəm”…

…Bəxtiyar Səlimov 1984-cü ildə Bakıda dünyaya gəlib. Bir il ABŞ-ın Massaçusets ştatının Boston şəhərində oxuduqdan sonra tam orta təhsilini 2000-ci ildə, on altı yaşın içində olarkən, 134 nömrəli məktəbdə başa vurub. 2000-2004-cü illərdə Qərb Universitetinin işgüzar inzibatçılıq fakultəsində bakalavr, 2004-2006-cı illərdə isə Azərbaycan Dövlət İqtisad Universitetinin biznesin idarə olunması fakultəsində magistr dərəcələrinə yiyələnib. Eyni zamanda, 2004-cü ildən 2006-cı ilədək tikinti şirkətlərinin birində satış üzrə menecer, 2007-2008-ci illərdə “Reality Caspian” şirkətində təhcizat şöbəsinin mütəxəsisi vəzifələrində çalışıb. 2008-ci ildən ABŞ-ın Texas ştatının Hyuston şəhərində yaşayır…

…Ömür-gün yoldaşı Zəkiyə Dilbazi ixtisasca mühasibdir. BP-nin Hyustondakı idarəsində maliyyəçi işləyir. İki övladı var. Böyük qızı Səlimə 10, ikinci qızı Mədinə isə 5 yaşındadır…

O, Hyustona gələndən sonra ingilis dilini təkmiləşdirmək üçün dil kurslarına gedib. 2009-cu ildə neftin daşınması şirkətində işə başlayaraq, 2011-ci ilədək orada qrup rəhbəri vəzifəsinədək yüksələ bilib. 2011-2013-cü illərdə Cənubi Kolumbiya Universitetində menecer və marketinq üzrə mütəxəsis ixtisasına yiyələnib (MBA). Həm də 2011-ci ildən “Schlumberger” neft şirkətində çalışır. Hazırda material-texniki təhcizat qrupunun rəhbəridir…


“Deyilənlərə görə prokuror babama çox oxşayıram. Bir dəfə Bakı kəndlərindən birinə, dostumun yanına getmişdim. Dostumun qohumu, yaşlı bir kişi bizə yaxınlaşıb mənim Babaəli Səlimovun nəvəsi olub-olmadığımı soruşdu. Təsdiq edəndən sonra dönüb dostumun atasına, filankəsi o vaxt bunun babası tutmuşdu, söylədi. Bir az duruxdum, özümü toplayıb, nə üstündə tutulduğunu soruşdum. Deyəndə ki, adam öldürmüşdü ürəyim yerinə gəldi”...

Bəli, yumor hissi güclü olduğundan zarafat etməyi xoşlayır. Ciddi göründüyü qədər də mehriban, sadə insandır. Yüksək mədəniyyəti, davranışı, işgüzarlığı, dürüstlüyü ilə amerikalıların rəğbətini qazana bilib. Hyustonda Azərbaycan cəmiyyətlərinin tədbirlərində tez-tez iştirak edir. Amerikada yaşasam da ürəyim Azərbaycanladır, vətənimlə bağlı hər nə varsa mənə doğmadır, söyləyir…


Elman Eldaroğlu,
ABŞ, Miçiqan

BU KATEQORİYADAN OLAN DİGƏR XƏBƏRLƏR
+ Arxiv
Sumqayıtda toy sahibi həbs edildi 4 Dekabr 2020, 18:57 “Azərbaycan Könüllülərinin III Həmrəylik Forumu”na start verildi - FOTO 4 Dekabr 2020, 18:47 Bakıda ofisdən oğurluq olub 4 Dekabr 2020, 18:38 Ceyhun Bayramov bolqar həmkarı ilə telefonla danışdı 4 Dekabr 2020, 18:29 İranın Azərbaycandakı səfiri Naxçıvana səfər etdi 4 Dekabr 2020, 18:20 MİQ imtahanlarında iştirak üçün namizədlərə məlumatlar göndərildi 4 Dekabr 2020, 18:11 Ayın səthinə Çinin bayrağı sancıldı - FOTO 4 Dekabr 2020, 18:02 Erməni diplomatlar baş nazir və hökumətin istefasını tələb edirlər 4 Dekabr 2020, 17:56 TÜRKPA-nın Baş katibi İlham Əliyevi təbrik etdi 4 Dekabr 2020, 17:50 Almaniyada vaksinasiya pulsuz olacaq 4 Dekabr 2020, 17:44 “Fransa Milli Assambleyası parlament kimi öz ciddiliyini itirib” - Şentop 4 Dekabr 2020, 17:38 Dolların məzənnəsi sabit qaldı 4 Dekabr 2020, 17:32 ATƏT-ə yeni baş katib təyin olundu 4 Dekabr 2020, 17:26 Bakı və Yerevan əsirlərin tam siyahısını “Qızıl Xaç”a TƏQDİM ETDİ 4 Dekabr 2020, 17:20 Kəlbəcərin Yanşaq kəndinin görüntüləri - VİDEO 4 Dekabr 2020, 17:14 Bakıda parada hazırlıq işləri gedir - FOTOLAR 4 Dekabr 2020, 17:08 Azərbaycan Fransaya nota verdi - Səfir nazirliyə çağrıldı   4 Dekabr 2020, 17:02 Nyu-Yorkda Vətən müharibəsi şəhidləri anılıb 4 Dekabr 2020, 16:56 “Azərbaycanlı hərbçilər Xankəndiyə gəliblər” - Erməni ekspertdən ETİRAZ 4 Dekabr 2020, 16:50 Özbəkistan mediası Ermənistanın Qarabağda törətdiyi ekoloji terrordan yazdı 4 Dekabr 2020, 16:44 Ceyhun Bayramov latviyalı həmkarı ilə danışdı 4 Dekabr 2020, 16:38 Sabiq icra başçısı vəfat etdi 4 Dekabr 2020, 16:32 Hərbçilərimiz canları bahasına bu qələbəni əldə ediblər - Milix Yevdayev 4 Dekabr 2020, 16:26 Ərdoğan Bakı səfərinin tarixini AÇIQLADI 4 Dekabr 2020, 16:20 Ceyhun Bayramov Belarusun Azərbaycandakı səfirini qəbul edib 4 Dekabr 2020, 16:15 Mahmud Hacıyev: “Qarabağda qanunsuz silahların yığılması barədə tədbirlər görüləcək” 4 Dekabr 2020, 16:10 “İlham Əliyevin Fransaya tövsiyəsini mən də dəstəkləyirəm” - Ərdoğan 4 Dekabr 2020, 16:05 Azərbaycanda daha 4267 nəfər virusa yoluxdu - 41 nəfər öldü 4 Dekabr 2020, 16:00 Əhəd Abıyev özünə yeni müavin təyin etdi - FOTO 4 Dekabr 2020, 15:55 Türkiyədə rusiyalı jurnalistlər SAXLANILDI 4 Dekabr 2020, 15:50 Komandir - VİDEO 4 Dekabr 2020, 15:44 Millət vəkilindən azad edilmiş ərazilərə dair maraqlı TƏKLİFLƏR 4 Dekabr 2020, 15:38 Bütövlük və azadlıq uğrunda döyüşən igid neftçilər  4 Dekabr 2020, 15:32 Milli Məclisdə büdcə müzakirələri başlayır - Üç məsələyə diqqət ayrılacaq 4 Dekabr 2020, 15:26 Qarabağda 700-ə yaxın erməni hərbçinin cəsədi TAPILIB 4 Dekabr 2020, 15:20
SORĞU Cəbhə xəbərlərini hansı mənbədən alırsınız?