Arxiv
23 Avqust 2019, 11:59 | AKTUAL
Cocuq Mərcanlının ilk məzunu: “BDU-ya qəbul olunmayanda elə bilirsən imtahandan kəsilmisən”

Bakı Dövlət Universiteti bir tərbiyə, rahatlıq ünvanı, başı min bəlalar çəksə də, heç vaxt öz soy-kökündən, dilindən uzaq düşməmiş bir xalqın möhtəşəm elm, təhsil məbədidir. Adama elə gəlir ki, sanki, hara getsən, yol Universitetdən başlayır və bütün dünyanı dolaşsan da, gəzsən də, yenə yolların gəlib ona çıxır. Ancaq Universitet – o boyda binalar, korpuslar, rektor, akademiklər, prosessorlar, ən sıravi əməkdaşlar belə uzaqdan səni çağırırsa, əl uzadırsa, səsləyirsə, demək, bu, daha böyük əxlaq, daha böyük tərbiyədir, ən əsası isə Universitet Qarabağa qayıdış üçün səni ağuşuna çağıran, yetişdirən, formalaşdıran bir məktəbdir, sonra yenidən öz ünvanına, məsələn, Cocuq Mərcanlı avtobusuna mindirirsə, demək, doğrudan da, Bakı Dövlət Universiteti elm, təhsil tərbiyə yolunu hələ də həvəslə, böyük ruh yüksəkliyi ilə gedir.

 

Ölkənin bütün region, bölgələrindən Bakı Dövlət Universitetinə hər il yüzlərlə, minlərlə tələbə qəbul olunur, ancaq Universitet bəlkə də ən sevincli günlərini yaşayır ki, məhz Cocuq Mərcanlıdan - işğaldan azad olunmuş kənd məktəbinin ilk buraxılışının məzunlarından bir neçəsi tələbə adını qazanıb. Vətəni müharibə, silah, top-tüfənglə geri alırsan, təbiidir, adam sevinir, ancaq işğaldan azad etdiyin kəndin məktəbindən hansısa bir şagird universitetə, özü də məhz Bakı Dövlət Universitetinə qəbul olursa, silahla, fiziki güclə geri qaytarılan Vətəni həm də ruhən, mənəvi cəhətdən özündə hiss edirsən. Məsələn, gələn il hansısa Cocuq Mərcanlı şagirdi universitetə qəbul olacaqsa, daha sən bunu indiki coşqu, sevinc hissi ilə qarşılamaycaqsan, çünki elə biləcəksən ki, Bakıdan, Gəncədən, Naxçıvandan, Ağdaşdan, İmişlidən, Şəkidən kimsə univrsitetə girib. Yəni onu da təbii bir şey kimi qəbul edəcəksən...

 

Əlbəttə, bir gün Şuşa, Laçın, Kəlbəcər və yaxud, babası Xocalıda şəhid olmuş bir tələbə də bu il Bakı Dövlət Universitetinə qəbul olmuş Cocuq Mərcanlı şagirdi Türkanə kimi danışacaq:

- Mən anadan olanda Cocuq Mərcanlı işğal olunmuşdu, oranı heç vaxt görməmişdim. Sonra dedilər ki, Prezidentimiz bizim kəndimizə səfər edib. Bir az uşaq olsam da, yadıma gəlir, valideynlərim, mən də çox sevindim. Mən Biləsuvar rayonunda oxuyurdum, heç vaxt inanmazdım ki, orta məktəbi Cocuq Mərcanlıda bitirərəm...

- Maraqlıdır, məhz Bakı Dövlət Universitetini istəyirdin?

- Hə...

- Niyə?

- Çünki qürurvericidir, köklü universitetdir, ona görə. Düzü, mənə elə gəlir ki, adam Bakı Dövlət Universitetinə qəbul olmayanda elə bilir imtahandan kəsilib, universitetə girməyib. (gülümsəyə-gülümsəyə deyir)

 

Çıxarış:

Həziyev Zamin Mətləb oğlu Cəbrayıl rayon Cocuq Mərcanlı kənd orta məktəbinin direktorudur. Gəncdir, 38 yaşı var. Cocuq Mərcanlı kəndi işğal olunanda Zamin müəllimin təxminən 8-9 yaşı vardı. O da Türkanə kimi xoşbəxt və inamlı danışırdı. Məktəb şəhid Novruz Aslanov adını daşıyır. Zamin müəllim işğaldan azad olunmuş məktəbin ilk direktorudur, o, 11 sinfi olan məktəbə 2017-ci ilin sentyabrından rəhbərlik edir. Və qeyd etdiyimiz kimi, kənd məktəbi işğaldan azad olunduqdan sonra onun məzunlarının biri Bakı Dövlət Universitetinin fizika, o biri Azərbaycan Dövlət Pedeqoji Universitetinin İnformatika fakültəsinin, digərləri isə kollec tələbəsi adını qazanıb.

 

Haqqında danışdığımız Mehdiyeva Türkanə Fəxrəddin qızı Bakı Dövlət Universitetində oxuyacaq. Burada həmişə insanları gələcəyə, mübarizəyə, haqq-ədalətə səsləyən bir zəng səsi var. O zəng müqəddəsdir. Türkanə 9-cu sinifə kimi Biləsuvar rayonunda oxumuşdu, özünün dediyi kimi, heç ağılına da gətirməzdi ki, Biləsuvardan Cocuq Mərcanlıya, ordan Bakıya, ordan da Bakı Dövlət Universitetinə gələcək.

Türkanənin oxuduğu Cocuq Məcanlı kənd məktəbini bir çox qurumlar, o cümlədən Bakı Dövlət Universitetinin kollektivi ziyarət edib və...

Zamin müəllim:

- Bu ilin may ayında Bakı Dövlət Universitetinin rektoru Elçin Babayev və kollektivi Cocuq Mərcanlıya gəlmişdi. Elçin müəllimin təşəbbüsü ilə Cocuq Mərcanlı kənd məktəbində təhsil alan  şagirdlərə dərs ləvazimatları, coğrafiyaya aid fiziki xəritələr, qlobus, atlaslar, kompyuter dəsti, mikroskop, fizika laboratoriyası üçün cihazlar, ingilis dili ləvazimatları, dəftər, qələm və s. gətirilmişdi.. Və bir də üzərinə “Bakı Dövlət Universitetinin tədris otağı” yazılan, məktəbimizin əsas sinif otaqlarından biri üçün nəzərdə tutulmuş bir lövhə... Bilirsiniz, o, bizim şagirdlərimiz üçün necə böyük stimul oldu? Bu gün Türkanənin timsalında onun nəticəsini görmüş olduq...

 

Zamin Həziyev dedi ki, Azərbaycanın köklü universiteti ilə döyüş bölgəsi məktəbinin bu cür möhkəm get-gəli olduqca təqdiredici haldır. Xüsusən, universitetin 100 illiyi ərəfəsində rektor Elçin Babayevin bizimlə mütəmadi əlaqəsi, diqqət və qayğısı təkcə məni yox, məktəb şagirdlərini də sevindirir, qürrələndirir.

- Zamin müəllim, aydın məsələdir, rəhbərlik etdiyiniz məktəb döyüş bölgəsində - sərhəddə yerləşir...

- Biz uşaqlara tarixdən, ədəbiyyatdan, mədəniyyətdən, dərs keçdiyimiz yerdə bir də görürsən, atəş səsləri gəldi... Biz hər yerdə öyrətməyə, şagirdlərimiz isə hər yerdə oxumağa hazırdır. Azərbaycanın güclü ordusuna güvənirik, ona görə belə rahatıq...

- Məktəbdə ingilis, rus dilləri də keçirilirmi?

- Ən yüksək səviyyədə...

 

Məktəb direktoru Zamin Həziyev, eləcə də yenicə tələbə adını qazanmış Türkanə ilə danışdıqca içimiz qürur hissi ilə dolur, xüsusən, Cocuq Mərcanlı və Bakı Dövlət Universitetinin mənəvi-ruhi bağlılığı bizdə gələcəyə parlaq bir inam, əminlik hissi yaradır.

... Universitet kollektivinin Cocuq Mərcanlı kənd məktəbini ziyarəti zamanı Zamin müəllim belə bir ifadə işlətmişdi: “Vaxtilə ermənilər tərəfindən yandırılmış Cocuq Mərcanlı məktəbini indi körpə gülüşləri, şagird səsləri bəzəyir”.

...Bu gün isə Türkanənin və tələbə adı qazanmış digər Cocuq Mərcanlı gənclərinin simasında tələbə səsləri...


BDU-nun Mətbuat və informasiya şöbəsi.

BU KATEQORİYADAN OLAN DİGƏR XƏBƏRLƏR
+ Arxiv
Manatın sabahkı məzənnəsi necə olacaq... 23 Sentyabr 2019, 17:42 Müəllimlərin işə qəbulu üzrə müsabiqənin II turunda nəticələr açıqlandı 23 Sentyabr 2019, 17:36 Ağacın dibini betonlayan şəxs cəzalanıb 23 Sentyabr 2019, 17:35 ADU-da Ülvi Bünyadzadənin 50-ci ildönümü anılıb 23 Sentyabr 2019, 17:33 Deputatlar vəsiqənin girov qoyulmasını pislədilər: “…özünə hörmət etməlidir!” 23 Sentyabr 2019, 17:26 Ölkə fəlakət içində: Fövqəladə vəziyyət elan olundu! 23 Sentyabr 2019, 17:10 Bakıda dələduz  “general” tutuldu - FOTOLAR 23 Sentyabr 2019, 17:04 Tələbələrin NƏZƏRİNƏ: “Nar” təqaüd proqramı elan edir! 23 Sentyabr 2019, 16:56 “Azərsu” rəsmiləri vətəndaşları qəbul etdi 23 Sentyabr 2019, 16:53 İlham Əliyev 13 milyon manatlıq sərəncam imzaladı 23 Sentyabr 2019, 16:52 Həftədə neçə kiloqram arıqlamaq olar? – Dietoloqdan XƏBƏRDARLIQ 23 Sentyabr 2019, 16:46 Fədayə Laçının məhkəməsi yenə təxirə salındı 23 Sentyabr 2019, 16:38 Orta bal göstəricilərinə görə fərqlənən universitetlər - SİYAHI 23 Sentyabr 2019, 16:31 Füzuli Rzaquliyev: “Sizcə, bu şərəfsizlərin torpaq  qaytarmaq fikri olar?!” - MÜSAHİBƏ 23 Sentyabr 2019, 16:20 Məhərrəm Quliyev Aparat müşavirəsi keçirdi 23 Sentyabr 2019, 16:00 “Azərbaycanda ingilis dili müəllimlərinin dörddə bir hissəsinin ali təhsili yoxdur” 23 Sentyabr 2019, 15:42 Müşfiq Əmirov: “Gələcəkdən qorxma, onsuz da gələcək” 23 Sentyabr 2019, 15:38 Sürücülər dizel yanacağından narazıdır: “Malımız da gedir, pulumuz da” 23 Sentyabr 2019, 15:31 Bu günədək sahələrdən 28 min 226 ton şəkər çuğunduru yığılıb 23 Sentyabr 2019, 15:17 Milli qəhrəmanın xatirəsinə həsr olunmuş yarışa yekun vurulub - FOTOLAR 23 Sentyabr 2019, 14:49 “Kənddən Şəhərə” məhsulları “World Food Moscow” Beynəlxalq Qida Sərgisində 23 Sentyabr 2019, 14:49 BQXK vurulan Azərbaycan hərbçisi ilə bağlı danışıqlar aparır 23 Sentyabr 2019, 14:47 10 yaşlı Anjelina ilk dəfə məktəbə getdi - FOTO 23 Sentyabr 2019, 14:39 Gəncədə piyadanı vurub qaçan sürücü tutuldu 23 Sentyabr 2019, 14:32 Əlilliyi olan şəxslərin Mərkəzləşdirilmiş Elektron İnformasiya Bazası yaradılır 23 Sentyabr 2019, 14:23 DİM: Özəl ali məktəblərə qəbul olunanlar, əsasən, dövlət məktəblərinə daxil ola bilməyənlərdir 23 Sentyabr 2019, 14:03 Milli Məclisin payız sessiyasının gündəliyi bəlli oldu 23 Sentyabr 2019, 14:02 Əhliman Əmiraslanov: “Adlarını psixoloq qoyub ekstrasenslik, falçılıq  edirdilər” - MÜSAHİBƏ 23 Sentyabr 2019, 13:56 Sürücülərin nəzərinə: Texniki baxışa görə rüsum artırılır 23 Sentyabr 2019, 13:51 Nazirlik: Sahələrdən 28 min 226 ton şəkər çuğunduru yığılıb   23 Sentyabr 2019, 12:59 Sabahın hava PROQNOZU açıqlandı 23 Sentyabr 2019, 12:57 Sərhəd zastavasına silahlı hücum olub - Baş leytenant bıçaqlandı - FOTOLAR 23 Sentyabr 2019, 12:53 Cahangir Novruzova “Xalq artisti” fəxri adı təqdim olunub 23 Sentyabr 2019, 12:39 Bakıda sərnişin avtobusu qəzaya düşdü - FOTO 23 Sentyabr 2019, 12:35 “Keşikçidağ”da “Avropa İrs günləri” keçirilib 23 Sentyabr 2019, 12:32