Arxiv
12 Sentyabr 2019, 17:05 | MÜSAHİBƏ
Fəzail Ağamalı: “Əli Kərimli Milli Məclisdə təhqir olunanda mən etiraz etdim” - MÜSAHİBƏ

Ötən gün Bakıda "Azərbaycandakı siyasi proseslərə xarici müdaxilələrin yolverilməzliyi" mövzusunda dəyirmi masa keçirildi. Azərbaycanda fəaliyyət göstərən bir sıra siyasi partiyalar, qeyri-hökumət təşkilatları nümayəndələrinin, siyasi ekspertlərin və media  təmsilçilərinin iştirak etdiyi görüşdə yekun bəyanat imzalandı.

Görüşün təşkilatçısı olan “Ana Vətən” partiyasının sədri, deputat Fəzail Ağamalı toplantı barədə yekun təəssüratlarını Modern.az-a bölüşdü. Onunla söhbəti təqdim edirik:


- Fəzail müəllim, Azərbaycan Xalq Cəbhəsi Partiyasının (AXCP) sədri Əli Kərimlini görüşə dəvət etməmişdiniz. Bu, birmənalı qarşılanmadı. Çoxları düşünür ki, belə bir görüşdə iştirak etməli, islaha ehtiyacı olan əsas qüvvə elə AXCP-dir. Həmin fikirlərlə razılaşırsınızmı?


- Mən açıqlamamda da bəyan etdim ki, Əli Kərimlini dəvət etsəm belə, tədbirə qatılmayacaqdı. Ən müxtəlif bəhanələrlə görüşdən boyun qaçıracaqdı. Əli Kərimlinin tutmuş olduğu yol, hərəkət və davranışları dünənki tədbirdə qarşıya qoyulmuş məsələ, müzakirə olunan məqamlarla uzlaşacaq deyil. Biz müxalifət partiyalarının iqtidar partiyası ilə bərabər müzakirə aparmaqda niyyəti ortaq nöqtələrin əldə edilməsi, barışa doğru atılan addımların vacibliyi idi. Əli Kərimlinin hərəkətlərində isə bu meyl özünü göstərmir. Düşünün ki, özümə hörmət etmədən Əli Kərimlini dəvət edirəm o qəbul etmir. Yaxud qəbul edərək, tədbiri pozmaq hədəfi ilə qatılıb, qeyri-etik mövqe nümayiş etdirir. Bu zaman tədbir isə nəticəsiz başa çatacaqdı. O öz mövqeyində düzəliş etsə, radikallıqan imtina etsə, xarici qüvvələrin təsirindən çıxsa, normal, sivil müxalifət mövqeyində özünü təsdiqləsə, aramıza qatıla bilərdi.

Əli Kərimli ilə aramızda şəxsi düşmənçilik yoxdur. Əksinə vaxtilə o,  Milli Məclisdə təhqir olunanda mən  etiraz etdim ki, belə təhqirlərə yol vermək millət vəkillərinə yaraşmaz.

O Azərbaycanın millət dövlət maraqlarına doğru addım atırsa, onunla əməkdaşlığa hazırıq. Şəxsən mən hazıram. Bütün bunların əksinə hərəkət edirsə, sözdə bir cür, əməldə tamamilə əksinə addım atırsa, əməkdaşlığımızdan söhbət gedə bilməz.

Biz bu gün dövlətçiliyimizin yanında olmalıyıq. Buna görə, bütün söyüşlərə, mənfi məqamlara son qoymaq lazımdır. Azərbaycan xalqına xidmət etmək üçün Azərbaycan xalqının yanında olmaq lazımdır.


- Müxalifət nümayəndələri arasında sözə ilk başlayan, tələb və  təkliflərlə çıxış edən Pənah Hüseyn oldu. Lakin onun bu dəfə daha konstruktiv mövqe nümayiş etdirməsi diqqət çəkdi. Pənah bəyin çıxışını necə qiymətləndirirsiniz?


- Pənah Hüseyn həmişə özünün fərqli mövqeyi ilə seçilən siyasətçilərdəndir. Mən onu uzun illərdir tanıyıram. O milli maraqları hər zaman üstün tutan, ona sadiq olan siyasətçidir. Bununla bərabər yenə də o, müxalifətdədir. Cəmiyyətdə gedən proseslərə, çatışmazlıqlara, özünün kəskin fikirlərini səsləndirib, iqtidarın apardığı siyasətə münasibətini ortaya qoyub. Amma o hər zaman milli maraqları, dövlətçiliyi özünün şəxsi ambisiyalarından üstün tutub. Dünənki “dəyirmi masa”da da Pənah Hüseyn bir daha öz baxışlarına, söykənmiş olduğu dəyərlərə, prinsiplərə sadiqliyini nümayiş etdirdi.


- Ümumi olaraq, sizi razı salan, yaxud narazı qaldığınız məqamlar nələr oldu?


- Bütövlükdə dünənki dəyirmi masanı yüksək qiymətləndirirəm. Baxmayaraq ki, mövzudan kənara çıxmalar, haqsız ittihamlar da oldu. Uzun illərdən bəri belə görüş olmamışdı. Yeni Azərbaycan Partiyası (YAP) sədrinin müavini-icra katibi, Baş nazirin müavini Əli Əhmədov kimi iqtidarın nüfuzlu bir siması da orada iştirak edirdi. Sonda istisnasız olaraq, iştirakçılardan hər birinin imzası ilə bəyanat qəbul olundu. Çox şadam ki, bu “dəyirmi masa” qarşıya qoyduğu məqsədə çata bildi. Təəssüf edirəm, dəvət olunanların bəziləri hansısa səbəblər ucbatından tədbirə qatılmadı. Amma bundan dolayı bir incikliyim də yoxdur.


- Yenidən təşəbbüs göstərib, təşkilatçı kimi belə görüşü hazırlamaq istəyərsinizmi?


- Mən son çıxışımda da qeyd etdim ki, siyasi partiya təmsilçilərinin, müstəqil siyasi ekspertlərin, vətəndaş cəmiyyəti nümayəndələrinin, media təmsilçilərinin iştirakı ilə belə toplantılar davamlı keçirilsin. Çox istərdim ki, gələcək görüşlərimizdə dəvət olunan bütün partiyalar, şəxslər iştirak etsinlər. Düşünürəm, biz buzu sındıra bildik, bu sindromu aradan qaldıra bildik. Hər birimiz, xüsusilə ölkə iqtidarı iqtidar-müxalifət dialoqunda maraqlıdır. Bir müddət əvvəl prezidentin ictmai-siyasi məsələlər üzrə köməkçisi Əli Həsənov və YAP sədrinin müavini-icra katibi, Baş nazirin müavini Əli Əhmədov səviyyəsində ciddi açıqlamalar səsləndirilmişdi. Mən çox arzulayardım ki, bu rəsmi açıqlamalara əks qütbdə dayanan müxalifət təmsilçiləri də adekvat mövqe ilə yanaşsınlar.

 

BU KATEQORİYADAN OLAN DİGƏR XƏBƏRLƏR
+ Arxiv
Ermənilər bu yola da əl atdı 25 Sentyabr 2020, 23:18 ÜST-dən XƏBƏRDARLIQ: koronavirusdan 2 milyon insan ölə bilər 25 Sentyabr 2020, 23:01 Hərbi təyyarə qəzaya uğradı: ölənlər var 25 Sentyabr 2020, 22:47 Ucarda yük avtomobili yandı 25 Sentyabr 2020, 22:33 “Çempionat yeni başlayıb, heç də asan olmayacaq” - Qurban Qurbanov 25 Sentyabr 2020, 22:21 İsrail xaricə uçuşları dayandırdı 25 Sentyabr 2020, 22:04 Türkiyədə koronavirusdan daha 73 insan öldü 25 Sentyabr 2020, 21:52 Qadın keçmiş əri tərəfindən bıçaqlandı 25 Sentyabr 2020, 21:35 Nüfuzlu televiziyada Qarabağ münaqişəsi ilə bağlı sənədli film yayımlandı - VİDEO 25 Sentyabr 2020, 21:22 ABŞ səfirliyi amerikalıları Abşerondan kənara çıxmamağa çağırıb 25 Sentyabr 2020, 21:09 Deputat kafedə müştərini döydü – VİDEO 25 Sentyabr 2020, 20:49 İranda təyyarə qəzası 25 Sentyabr 2020, 20:32 Baş Prokurorluqdan İnstaqradakı sual-cavabla bağlı açıqlama 25 Sentyabr 2020, 20:19 Məşhur aviaşirkət mindən çox pilotu ixtisar edəcək 25 Sentyabr 2020, 20:03 Koronavirusla bağlı sürətli test yaradıldı 25 Sentyabr 2020, 19:57 Ədliyyə işçiləri və məhkumlar arasında 13 nəfərdə koronavirus aşkarlandı 25 Sentyabr 2020, 19:48 2 min nəfər vaxtından əvvəl cəzadan azad olunub 25 Sentyabr 2020, 19:39 Elektron qolbaq daşıyan məhkumların sayı açıqlandı 25 Sentyabr 2020, 19:30 Naqif Həmzəyev növbəti dəfə seçiciləri ilə görüşdü - VİDEO FOTO 25 Sentyabr 2020, 19:28 Nazirlik “Araz market” və “Al market”i CƏRİMƏLƏDİ 25 Sentyabr 2020, 19:19 Deputat Məzahir Əfəndiyev Bosniya Parlamentinə məktub göndərdi 25 Sentyabr 2020, 19:10 Əmlak Məsələləri Dövlət Xidmətinin səlahiyyətləri artırıldı 25 Sentyabr 2020, 19:01 Gömrüklə bağlı ən çox verilən suallar cavablandırıldı 25 Sentyabr 2020, 18:55 Tələbə köçürülməsi qaydaları dəyişdi - Baş nazirdən qərar 25 Sentyabr 2020, 18:49 Tibb Universitetinə yeni prorektor təyin olundu 25 Sentyabr 2020, 18:43 Dollar yeni həftəyə belə başlayacaq 25 Sentyabr 2020, 18:35 Deputat: “Beynəlxalq təşkilatlar Ermənistanın təxribatlarına adekvat cavab verməlidirlər” 25 Sentyabr 2020, 18:27 İlin sonunadək daha 5 yeni qəsəbə istifadəyə veriləcək - Dövlət Komitəsi 25 Sentyabr 2020, 18:20 Mikayıl Cabbarov Gəncədə sənaye müəssisələrinin fəaliyyəti ilə tanış oldu - FOTO 25 Sentyabr 2020, 18:14 Direktor olmaq istəyənlərin NƏZƏRİNƏ 25 Sentyabr 2020, 18:06 Mehmanxanalarda reydlər APARILIR 25 Sentyabr 2020, 18:00 TƏBİB-də daha bir KADR TƏYİNATI 25 Sentyabr 2020, 17:54 İki icra hakimiyyəti ləğv olunsun - MM-in Komitə sədrindən ilginc təklif 25 Sentyabr 2020, 17:48 Bu şəxslərə hərbi xidmətlə bağlı SMS göndərildi 25 Sentyabr 2020, 17:42 Almaniya azərbaycanlıları ilə videogörüş keçirilib 25 Sentyabr 2020, 17:36