Arxiv
17 Sentyabr 2019, 16:32 | TƏHSİL
Elinanın intihar etdiyi məktəbin yeni direktoru kimdir? - DOSYE

Təhsil Nazirliyi Bakı şəhəri, Səbail rayonu Etibar Əliyev adına 162 saylı tam orta məktəbə yeni direktor təyin edib.


Modern.az
xəbər verir ki, bu barədə Təhsil Nazirliyinin rəsmi məlumatında bildirilib. Məlumata görə, Təhsil Nazirliyinin müvafiq əmri ilə 162 saylı tam orta məktəb Arzu Aslan qızı Nəzərovaya tapşırılıb. 


Digər məlumata əsasən, Tünzalə Mikayılova Əfqan qızı və Bəhruz Səlimxanov Ramazan oğlu təlim-tərbiyə işləri üzrə direktor müavinləri vəzifəsinə gətiriliblər.


Qeyd edək ki, Arzu Nəzərova 1961-ci il sentyabrın 21-də Gəncədə ziyalı ailəsində anadan olub. 1968-ci ildə Gəncə şəhəri C.Cabbarlı adına 6 nömrəli orta məktəbə daxil olub,1976-cı ildə oranı fərqlənmə ilə bitirib. Gəncə şəhəri Q.Hüseynli adına orta ixtisas musiqi məktəbinin fortepiano şöbəsinə daxil olub, 1981-ci ildə oranı fərqlənmə diplomu ilə bitirib. 1982-ci ildə Gəncə Dövlət Pedaqoji Universitetinin “İbtidai təhsilin pedaqogikası və metodikası” fakültəsinə daxil olub, 1987-ci ildə universiteti bitirib. 1997-ci ildə ikinci ali təhsil almaq məqsədilə Bakı Asiya Universitetinin hüquq fakültəsinə daxil olub, 2000-ci ildə həmin universiteti bitirib. 1981-ci ildən 1988-ci ilədək Uşaq Musiqi Məktəbində fortepiano müəllimi kimi çalışıb. 1988-ci ildən Gəncə şəhəri Ə.Cavad adına 2 nömrəli orta məktəbdə ibtidai sinif müəllimi kimi fəaliyyətə başlayıb. 1992-ci ildən həmin məktəbdə direktor müavini, 1997-ci ilədək isə direktor işləyib.


2001-ci ildən 2003-cü ilin avqust ayınadək metodist kimi fəaliyyət göstərib. 2003-cü ildən Məktəb-Lisey Kompleksində direktor müavini kimi çalışıb. 2019-cu ilin may ayından Səbail rayonu 162 nömrəli tam orta məktəbə direktor müavini kimi yerdəyişmə olunub. 15 iyul 2019-cu il tarixindən 162 nömrəli tam orta məktəbə direktor müavini təyin olunub.



Son hadisələrdən sonra 162 nömrəli tam orta məktəbə direktor vəzifəsinə təyin olunub. Ailəlidir. 3 övladı var.  


Xatırladaq ki, 2019-cu il aprelin 4-də Bakının Səbail rayonu Etibar Əliyev adına 162 saylı orta məktəbin VIII sinif şagirdi Elina Hacıyeva intihar edib. Aprelin 6-da Bakı şəhəri Səbail rayon Prokurorluğunda AR CM-nin 125-ci maddəsi ilə cinayət işi başlanıb.


Hadisə ilə bağlı açılmış cinayət işi üzrə istintaq və Bakı Şəhəri üzrə Təhsil İdarəsi tərəfindən aparılan xidməti araşdırma ilə əlaqədar  təhsil nazirinin 8 aprel 2019-cu il tarixli əmri ilə məktəbin direktoru Abbasova Sevinc Kamil qızı araşdırma müddətində işdən kənarlaşdırılıb. Daha sonra S.Abbasovanın, direktor müavini Lalə Məhərrəmovanın, sinif rəhbəri Çimnaz Mehdiyevanın və həmin təhsil müəssisəsinin psixoloqu Könül Ağayevanın işdən çıxarıldığı açıqlanıb.
 

Baş Prokurorluğun məlumatına görə, məktəbin direktoru Sevinc Abbasova Cinayət Məcəlləsinin 143 (təhlükədə qoyma) və 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunmuş və məhkəmənin qərarı ilə barəsində ev dustaqlığı qətimkan tədbiri seçilib. Hazırda proses Səbail Rayon Məhkəməsində davam etdirilir.

BU KATEQORİYADAN OLAN DİGƏR XƏBƏRLƏR
+ Arxiv
Bakıda bıçaqlanan 28 yaşlı gənc öldü 4 Avqust 2020, 09:51 Deputat Fəttah Heydərov vəfat etdi 4 Avqust 2020, 09:43 Ermənistan atəşkəsi 30 dəfə pozdu 4 Avqust 2020, 09:32 Nazir müşaviri: “Tanınmış ailədən olmaq mənim üçün böyük məsuliyyətdir” - MÜSAHİBƏ 4 Avqust 2020, 09:17 Deputatlar tətildən geri ÇAĞIRILIBLAR 4 Avqust 2020, 08:39 Azərbaycanda stilist intihar etdi - FOTO 4 Avqust 2020, 00:51 Bakıda 38 yaşlı kişi bıçaqlandı 4 Avqust 2020, 00:34 Bu ölkədə hər gün 50 min insan koronavirusa yoluxur 4 Avqust 2020, 00:23 Rusiyada miqrantlara iş icazəsi verilməsi proseduru çətinləşir 4 Avqust 2020, 00:06 Salyandakı zəncirvari qəzada baş həkim ağır xəsarət aldı   3 Avqust 2020, 23:56 Qarabağ BMT idarəçiliyinə verilsin - Amerikalı diplomat 3 Avqust 2020, 23:45 Samur-Abşeron kanalından meyit tapıldı 3 Avqust 2020, 23:33 Uçan taksi sınaqdan keçirildi - VİDEO 3 Avqust 2020, 23:18 İrəvanın qəbul edilən gerbinin mənası... 3 Avqust 2020, 23:07 Jurnalist onu mühafizə edən polislə birgə GÜLLƏLƏNDİ 3 Avqust 2020, 22:47 Gəncədə yataqxanada qadın bıçaqlandı 3 Avqust 2020, 22:34 Şəkidə 360 aztəminatlı ailəyə ərzaq yardımı çatdırıldı - FOTOLAR 3 Avqust 2020, 22:26 Reanimasiyadakı COVİD-19 xəstələrinin sayı AZALDI 3 Avqust 2020, 22:09 Dövlət Miqrasiya Xidmətinin sabiq rəisi vəfat etdi 3 Avqust 2020, 21:53 Şagirdlər üçün “Microsoft Teams” proqramı ilə bağlı təlim keçirilib 3 Avqust 2020, 21:41 Türkiyədə daha 19 nəfər koronavirusdan öldü 3 Avqust 2020, 21:29 Cəlalabadda həbsxanaya hücum: 29 nəfər öldü 3 Avqust 2020, 21:12 Çimərlik ərazilərdə istifadə qaydaları ilə bağlı VİDEOTƏLİMAT 3 Avqust 2020, 20:57 Çindən Azərbaycana tibbi ekspert qrupu göndəriləcək 3 Avqust 2020, 20:44 Kürdəmirdə ağır qəza: xəsarət alanlar var 3 Avqust 2020, 20:30 Xəzərdə dalğanın hündürlüyü 4.5 metrə çatdı 3 Avqust 2020, 20:17 İtaliyadan Azərbaycana həkimlər ağır xəstələrin müalicəsinə cəlb olunacaq 3 Avqust 2020, 19:41 Tibbi maskadan istifadə etməyənlərə qarşı reyd 3 Avqust 2020, 19:30 Tələbləri pozan 7629 obyekt cərimələnib 3 Avqust 2020, 19:18 İsveç azərbaycanlılarından TƏKZİB: Yayılan məlumat tamamilə yanlışdır 3 Avqust 2020, 19:14 Hikmət Hacıyev: Toy mərasimlərinin bərpası koronavirusun artmasına səbəb ola bilər 3 Avqust 2020, 18:57 Yaqut Qarayeva qızıl mağazalarının bağlı qalmasına aydınlıq gətirdi 3 Avqust 2020, 18:39 Məktəblər sentyabrın 15-də açılacaq? - Operativ Qərargahdan REAKSİYA 3 Avqust 2020, 18:34 TƏBİB: “İxtisas baxımından həkimlərimiz ən riskli qrupa daxildir” 3 Avqust 2020, 18:24 Hikmət Hacıyev: “Qarabağa dəstək aksiyası olmasaydı, yoluxma daha aşağı ola bilərdi” 3 Avqust 2020, 18:20