Göygöldə yol-nəqliyyat hadisəsi baş verib.
Modern.az xəbər verir ki, hadisə Gəncə-Göygöl-Toğanalı yolunun rayonun Aşıqlı kəndindən keçən hissəsində qeydə alınıb. Hərəkətdə olan “VAZ 2107” markalı avtomobil “Toyota Prado” markalı maşınla toqquşub. Qəza nəticəsində 1969-cu il təvəllüdlü Həsənova Məlahət Ağarza qızı və daha bir nəfər xəstəxanaya yerləşdirilib (apa).
Hər iki yaralının vəziyyətinin ağır olduğu bildirilir.
Faktla bağlı Göygöl rayon polis şöbəsində araşdırma aparılır.
