Arxiv
13 Dekabr 2019, 18:24 | AKTUAL
Nazirlik ilə BP Anlaşma Memorandumu imzalayıb

Əhali sakinliyinin inkişafı və demoqrafiya sahəsində müfəssəl tədqiqatların aparılması sahəsində birgə əməkdaşlığın həyata keçirilməsi məqsədilə Əmək və Əhalinin Sosial Müdafiəsi Nazirliyi (ƏƏSMN) ilə BP Eksploreyşn (Kaspian Si) Limited şirkəti arasında Anlaşma Memorandumu, eyni zamanda, nazirliklə BMT-nin Əhali Fondu arasında Niyyət Protokolu imzalanıb.

 

ƏƏSMN-dən Modern.az-a verilən məlumata görə, azirliyin tabeliyindəki DOST Agentliyində keçirilən tədbirdə Əmək və Əhalinin Sosial Müdafiəsi naziri Sahil Babayev, BP-nin Azərbaycan-Gürcüstan-Türkiyə üzrə regional prezidenti Qəri Counz, BMT-nin Əhali Fondunun Azərbaycan nümayəndəliyinin rəhbəri Fərid Babayev, Çex Respublikasının Karlov Universitetinin professoru Tomaş Kuçera iştirak edib. Qonaqlar tədbirdən əvvəl DOST Agentliyi və Agentliyin 1 saylı DOST Mərkəzi, burada əhaliyə “bir pəncərə”dən, vətəndaş məmnunluğu prinsipi əsasında göstərilən xidmətlərlə tanış olublar.

 

Sənədlərin imzalanması tədbirində S.Babayev Azərbaycan Prezidenti İlham Əliyevin uğurlu siyasəti nəticəsində ölkəmizdə dayanıqlı inkişafın əldə olunduğunu, bu inkişafın nəticələrindən biri kimi, respublikamızda müsbət demoqrafik vəziyyətin mövcud olduğunu bildirib. O qeyd edib ki, inkişaf etmiş ölkələrdən fərqli olaraq əhalinin sayının azalması Azərbaycan üçün xarakterik olmasa da, ölkədə demoqrafik təhlükəsizliyin təmin olunması aparılan siyasətin əsas istiqamətləri sırasındadır. Bu məqsədlə dolğun proqnozlaşdırma sisteminin yaradılması böyük əhəmiyyət kəsb edir.

 

Nazir diqqətə çatdırıb ki, Şərqi Avropa və MDB dövlətləri arasında ilk dəfə olaraq Azərbaycan Respublikası Prezidentinin 9 dekabr 1999-cu il tarixli 290 nömrəli Sərəncamı ilə “Azərbaycan Respublikasının Demoqrafik İnkişaf Konsepsiyası” təsdiq edilib.

 

S.Babayev deyib ki, 2003-cü ilin əvvəlindən ölkə əhalisinin sayı 20,1 faiz artaraq 2019-cu il 1 oktyabr tarixinə 10 044,5 min nəfər təşkil edib. Təbii artım göstəricisi əhalinin hər 1000 nəfərinə hesabı ilə 7,9 nəfərdən 8,4 nəfərə, doğulanların sayı 13,9 nəfərdən 14,1 nəfərədək artıb. Ölənlərin sayı isə 6,0 nəfərdən 5,7 nəfərədək azalıb. Hazırda Azərbaycan Avropa və MDB ölkələri sırasında demoqrafik baxımdan cavan yaş strukturuna malik az sayda olan ölkələrdən biridir. Əhalinin tərkibində 0-14 yaş qrupunda olan əhalinin payı 22,4 faiz, 15-64 yaş qrupunda 70,8 faiz, 65 yaşdan yuxarı 6,8 faiz, 15-29 yaşda olan əhali (gənclər) 23,3 faizdir.

 

Nazir qeyd edib ki, əməkdaşlıq barədə sənədləri imzalayan Tərəflər beş illik layihə çərçivəsində Çexiya Respublikasının Karlov Universitetini cəlb etməklə Azərbaycanda əhali sakinliyinin inkişafı və demoqrafiya sahəsində tədqiqatların aparılması, demoqrafik proqnozların hazırlanması, mükəmməl proqnozlaşdırma metodologiyasının tətbiqi və milli kadr potensialının formalaşdırılması sahəsində birgə fəaliyyətlər həyata keçirəcəklər.

 

Sosial sahədə aparılan islahatları diqqətə çatdıran S.Babayev cari ildə dövlət başçısının uğurlu sosial islahat paketləri nəticəsində minimum əmək haqqının 93 faiz, minimum pensiyanın 72 faiz, müavinət və təqaüdlərin orta hesabla 100 faiz artırıldığını, bu və digər sosial önəm kəsb edən tədbirlərin 4,2 milyon vətəndaşın rifahına ciddi dəstək olduğunu qeyd edib. O, Birinci vitse-prezident Mehriban xanım Əliyevanın təşəbbüsü olan DOST layihəsinin dövlət sosial xidmətlər sferasına gətirdiyi və bu xidmətlərdə vətəndaş məmnunluğunu təmin edən innovativ yeniliklər, DOST konsepsiyasının mahiyyəti və məqsədləri barədə məlumat verib. Nazir həmçinin əmək, məşğulluq, sosial təminat sahələrində elektron xidmətlərin tətbiqini, bu xidmətlərin proaktiv əsasda qurulması istiqamətində atılan ardıcıl addımları diqqətə çatdırıb.

 

Q.Counz öz çıxışında bildirib ki, Azərbaycanın ən iri neft və qaz layihələrinin əməliyyatçısı olan BP şirkəti Əmək və Əhalinin Sosial Müdafiəsi Nazirliyi ilə əməkdaşlıqdan çox məmnundur. Bu gün imzalanan sənədlər çərçivəsində həyata keçiriləcək birgə layihə ölkənin əhali potensialından ən faydalı və səmərəli şəkildə istifadə olunması üçün böyük imkanlar açır.

 

Q.Counz ölkədə etibarlı demoqrafik proqnozlaşdırma sisteminin və bacarıqlarının inkişafının düzgün planlaşdırmanı təmin etməklə, demoqrafik təhlükəsizliyə və sosial-iqtisadi siyasətin dayanıqlığına öz dəyərli töhfəsini verəcəyinə əminliyini ifadə edib.

 

F.Babayev diqqətə çatdırıb ki, hazırda Azərbaycan da daxil olmaqla bütün dünya ölkələri Dayanıqlı İnkişaf Məqsədlərinə çatmaq istiqamətində öhdəlikləri yerinə yetirməyə çalışırlar. Lakin uğurlu davamlı inkişaf demoqrafik proseslərin və müxtəlif sosial-iqtisadi göstəricilərin qarşılıqlı əlaqəsini hərtərəfli və müntəzəm öyrənmək və təhlil etmək məqsədi ilə proqnozlaşdırma sistemi yaratmaq üçün institusional yanaşmanın təmin edilməsini tələb edir. Məhz buna görə, bu gün aidiyyəti qərarları qəbul edərkən əhalinin say və yaş tərkibində baş verə biləcək dəyişiklikləri nəzərə almaq olduqca böyük əhəmiyyət kəsb edir.

 

T.Kuçera layihə çərçivəsində görüləcək işlərdə öz töhfəsini vermək əzmində olduğunu deyib.

 

Daha sonra Tərəflər arasında sənədlər imzalanıb.

BU KATEQORİYADAN OLAN DİGƏR XƏBƏRLƏR
+ Arxiv
Novruz Aslanov 4 kəndin təhsil işçiləri ilə görüşüb - FOTOLAR 23 Yanvar 2020, 10:02 Seçki tarixində ilk: Deputat videohesabatında aparıcı oldu 23 Yanvar 2020, 10:01 Bakıda 12 metrlik avtobuslar xəttə buraxıldı - FOTO 23 Yanvar 2020, 09:57 Vulkan püskürməsi zamanı ölü sayı 20-yə çatdı 23 Yanvar 2020, 09:50 Qatarlara bilet satışında dəyişiklik EDİLDİ 23 Yanvar 2020, 09:46 Nazirlik rəsmisi Prokurorluğa göndərilən materialların çoxluğuna aydınlıq gətirdi 23 Yanvar 2020, 09:43 Gəncədə 10-cu sinif şagirdi itkin düşdü 23 Yanvar 2020, 09:36 “Azəriqaz” xəbərdarlıq etdi: Bu ərazilərdə qaz olmayacaq 23 Yanvar 2020, 09:35 İlham Əliyev tanınmış jurnalisti təbrik etdi 23 Yanvar 2020, 09:30 Argentinanın Azərbaycandakı səfiri futbolumuz barədə: “İstəsəniz Argentina razılıq verəcək” – MÜSAHİBƏ 23 Yanvar 2020, 09:25 Prezident Mixail Qusmanla bağlı sərəncam imzaladı 23 Yanvar 2020, 09:20 Abay Kunanbayevin “Qara söz”ü Modern.az-da - Beşinci söz 23 Yanvar 2020, 09:14 “Bizimkilər” Elnarə Kərimova:Uşaqlarımdan utanıram, onlara “mən işləyirəm, sən böyüməyə tələs” demək olmaz”.   23 Yanvar 2020, 09:08 Cəbhədə iriçaplı pulemyotlar və snayper tüfəngləri işə düşdü 23 Yanvar 2020, 09:02 Yeni virusa görə karantin elan olundu 23 Yanvar 2020, 08:27 Dondar Quşçuda bədbəxt hadisə 23 Yanvar 2020, 00:46 Sabirabadda məskunlaşan köçkünlərdən Vüqar Bayramova dəstək - FOTOLAR 23 Yanvar 2020, 00:33 Gəncədə poliklinikada yanğın 23 Yanvar 2020, 00:14 Türkiyədə güclü zəlzələ: insanlar küçələrdə 22 Yanvar 2020, 23:56 İlham Əliyev İsveçrə Prezidenti ilə müzakirə apardı - FOTO 22 Yanvar 2020, 23:22 Gəncədə kriminal avtoritet saxlanıldı - VİDEO 22 Yanvar 2020, 23:09 Qənirə Paşayeva Qovlarda seçicilərlə görüşdü - FOTOLAR 22 Yanvar 2020, 22:49 Bu ölkədə bir ildə 34 min insan öldürüldü 22 Yanvar 2020, 22:33 Jalə Əliyeva Zərdab seçiciləri ilə görüşdü - FOTOLAR 22 Yanvar 2020, 22:16 “Hazırda ən vacib olan məsələ regional sabitlikdir” - İlham Əliyev 22 Yanvar 2020, 21:59 Bakıya ilk qar yağacaq 22 Yanvar 2020, 21:46 Şəkidə iki gənc qız dəm qazından zəhərləndi 22 Yanvar 2020, 21:32  “Bizə ən azından ildə 100 min iş yeri lazımdır” - İlham Əliyev 22 Yanvar 2020, 21:19 "Qarabağ"dan  növbəti qələbə 22 Yanvar 2020, 21:01 İlham Əliyev Davosda Gürcüstanın Baş Naziri ilə görüşdü 22 Yanvar 2020, 20:51 8 saylı Binəqədi I seçki dairəsi seçicilərinin elektron kabineti işə düşdü - FOTOLAR 22 Yanvar 2020, 20:36 Kürdəmirlilər Əhliman Əmiraslanovu dəstəklədi - FOTO 22 Yanvar 2020, 20:18 Azərbaycan sularında gəmilərin hərəkəti üçün heç bir təhlükə yoxdur 22 Yanvar 2020, 20:06 Goranboyda 2 avtomobil toqquşdu - FOTO 22 Yanvar 2020, 19:53 İlham Əliyev BP-nin baş icraçı direktoru ilə görüşdü 22 Yanvar 2020, 19:35
SORĞU Yeni parlamentdə kimlər olsun?