20 Yanvar faciəsinin 30-cu ildönümü ilə əlaqədar Türkiyənin Bakıdakı səfirliyində bayraqlar yarıyadək endirilib.
Modern.az-a bu barədə Türkiyənin Bakıdakı səfirliyindən məlumat verilib:
“20 yanvar Milli hüzn və qəhərmanlıq günündə həytaını itirən Azərbaycanın qəhrəman övladlarının xatirəsi üçün Türkiyənin Bakıdakı səfirliyində Türkiyə bayrağı yarıyadək endirilib. Azərbaycanın müstəqilliyi və istiqlalı uğrunda mübarizənin dönüş nöqtələrindən biri olan 1990-cı ilin 20 yanvarı heç zaman unudulmayacaq. 30 il əvvəl canlarının fəda etmiş şəhidləri rəhmətlə yad edir, bu acı gündə Azərbaycanın kədərinə şərik oluruq” ,- deyə səfirliyin açıqlamasında vurğulanıb.
