Mərkəzi Seçki Komissiyasının bu gün keçirilən iclasında 83 saylı Ağcabədi-Füzuli seçki dairəsindən daxil olmuş şikayətə baxılıb.
Modern.az xəbər verir ki, həmin dairədən qeydə alınmış namizəd Anar İsayev dəvət olunsa da, MSK-nın iclasına gəlməyib.
Namizəd həmin seçki dairəsində pozuntuların qeydə alındığını iddia etsə də, bu, təsdiqini tapmayıb.
MSK üzvü İlham Məmmədov bildirib ki, namizədin müraciətində göstəriləməsə də sosial şəbəkələrdə həmin dairənin 9 saylı məntəqəsində pozuntular əks olunub. Bu məntəqədən olan sosial şəbəkədəki görüntülərdən seçicilərin iradəsinin təmin olunmadığı aydınlaşıb.
MSK-nın ekpert qrupunun rəyi ilə adıçəkilən dairənin 9 saylı seçki məntəqəsinin nəticələri etibarsız sayılıb.
Qeyd edək ki, 83 saylı dairəsən lider namizəd Aqil Abbasdır.
