Mərkəzi Seçki Komissiyasının bu gün keçirilən iclasında17 saylı Yasamal
seçki dairəsindən deputatlığa namizəd Azər Qasımlının müraciətinə baxılıb.
Modern.az xəbər verir ki, məsələ barədə MSK üzvü Tofiq Həsənov məlumat verib. Şikayətçi namizəd Azər Qasımlı müraciətində bir sıra seçki məntəqələrində qanun pozuntularının olduğunu bildirib. Namizəd şikayətə iki ədəd disk əlavə edib.
MSK-nın araşdırması zamanı müəyyən olunub ki, məntəqələrdə qanun pozuntusu aşkar edilməyib.
Qərar komissiyanın ekspert qrupunun rəyi ilə qəbul edilib.