Son bir sutkada Fransada 292 nəfər koronavirusdan ölüb.
Modern.az xəbər vekir ki, indiyədək 2606 nəfər nəfər koronavirusun qurbanı olub.
Səhiyyə İdarəsinin baş direktoru Jerom Salomon bildirib ki, martın 1-dən bu yana xəstəxanalarda 2606 ölüm hadisəsi qeydə alınıb: "Son 24 saat ərzində 292 nəfər ölüb”, - deyə Salomon qeyd edib. Eyni zamanda, bu müddət ərzində 7 mindən çox insanın sağaldığı və xəstəxanalardan buraxıldığı vurğulanıb.
Onun sözlərinə görə, Fransada koronavirus infeksiyasına yoluxma hallarının sayı ümumilikdə təxminən 40,2 min nəfərdir. Hazırda ölkədə 19 mindən çox şəxs xəstəxanalardadır: “Bunlardan təqribən 4,6 min insan reanimasiyadadır. Onların üçdə biri 60 yaşına qədər insanlardır”.
Bildirilir ki, “virusun yayılması ilə bağlı vəziyyət pisləşməkdə davam edir”.
