Dünyadakı milyarderlərin sayı artıb. Modern.az xəbər verir ki, planetin ən varlı adamları siyahısının yeni sakini Yuan Lipinq olub. Lipinq “Shenzhen Kangtai Biological Products” əczaçılıq şirkətinin rəhbəri, çinli maqnat Dyu Veyminin keçmiş həyat yoldaşıdır.
Boşanmadan sonra 49 yaşlı Y. Lipinq şirkətin 161,3 milyon səhminə sahib olub. Qiymətli kağızlar paketi 3,2 milliard dollar dəyərindədir.
2011-2018-ci illərdə Lipinq ərinin əczaçılıq şirkətində direktor vəzifəsini icra edirdi. Hazırda o, şirkətin Pekindəki “Beijing Minhai Biotechnology” şöbəsinə rəhbərlik edir.
