Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı iyulun 9-na olan statistik göstəriciləri açıqlayıb.
Modern.az xəbər verir ki, məlumatda bu gün ərzində Azərbaycanda koronavirusla bağlı 7 505 test edildiyi bildirilib.
Qeyd olunub ki, ölkə ərazisində bu günə qədər 544 735 test aparılıb. İndiyədək 284 nəfər COVID-19-dan dünyasını dəyişib, 13 591 nəfər xəstəliyə qalib gəlib. Aktiv xəstə sayı 8 589 nəfərdir. Hazırda 329 nəfər reanimasiyada müalicə alır. 59 nəfər isə süni tənəffüs cihazına qoşulub.
Qeyd edək ki, bu gün Azərbaycanda 548 yoluxma faktı qeydə alınıb, 10 nəfər dünyasını dəyişib.