Arxiv
15 İyul 2020, 18:40 | AKTUAL
Deputat: “Ermənistan rəhbərliyi hətta öz mülki vətəndaşlarına “hədəf əti” kimi yanaşır”

Təxribatçılar vətənpərvərlik, orduya və dövlətə dəstək aksiyasının istiqamətini dəyişməyə çalışsalar da buna nail ola bilmədilər

 

"Ermənistanın Azərbaycanın dövlət sərhədinin Tovuz istiqamətində törətdiyi son təxribatlar COVİD-19 pandemiyası ilə mübarizədə çıxılmaz duruma düşən, ağır və gündən-günə dərinləşməkdə olan iqtisadi böhrandan çıxış yolu tapmayan, əhalinin ən adi sosial problemlərinin həllində aciz qalan Paşinyan hakimiyyətinin diqqəti daxili problemlərdən yayındırmaq,hərbi əməliyyatların coğrafi baxımdan eskalasiyasına nail olmaqla münaqişəyə üçüncü tərəfi cəlb etmək cəhdidir”.

Bu sözləri Modern.az saytına açıqlamasında Avronest Parlament Assambleyasında Azərbaycan nümayəndə heyətinin rəhbəri, deputat Azər Kərimli deyib.

 

Azər Kərimli Azərbaycan Ordusu tərəfindən düşmənə tutarlı cavab verildiyini, işğalçı ordunun şəxsi heyətində 100-dən çox itkinin olduğunu, artilleriya qurğularının, hərbi texnikanın, müdafiə qurğularının və istehkamların Silahlı Qüvvələrimizin dəqiq zərbələri nəticəsində darmadağın edildiyini vurğulayıb:

“Təəssüf ki, ağır döyüşlər zamanı ordumuzda da itkilər olub, general-mayor Polad Həşimov, polkovnik İlqar Mirzəyev, mayor Namiq Əhmədov,mayor Anar Novruzov, gizir İlqar Zeynallı, gizir Yaşar Babayev, müddətdən artıq həqiqi hərbi xidmət hərbi qulluqçusu əsgər Elçin Mustafazadə şəhid olublar. General Həşimovun döyüş əməliyyatları zamanı şəhid olması Azərbaycan generallarının əsgərlərlə birgə ön cəbhədə birbaşa döyüşlərdə Vətəni bərabər qoruduqlarını göstərir. Allah şəhidlərimizə rəhmət eləsin”.

 

Azər Kərimli Ermənistanın Azərbaycanın Tovuz rayonu istiqamətində mülki şəxsləri də artilleriya atəşinə tutduğunu, 76 yaşlı Əziz Əziovun həlak olduğunu, evlərə, təsərrüfatlara çoxsaylı ziyan dəydiyini qeyd edib:

“Mülki əhalinin atəşə tutulması Ermənistanın özünü dövlətdən daha çox terrorçu təşkilat kimi apardığını sübuta yetirir. Ermənistan tərəfi bilərəkdən artilleriya qurğularını mülki insanların yaşadığı kəndlərin yaxınlığına yerləşdirib ki, Azərbaycan ordusu cavab atəşi açdıqda bunu mülki obyektlərin hədəf götürülməsi kimi təqdim etsin. Bu faktın özü Ermənistan rəhbərliyinin hətta öz mülki vətəndaşlarına “hədəf əti” kimi yanaşdığını, insan amilinin bu ölkədə ən sonuncu yerdə dayandığını sübuta yetirir”.

 

Millət vəkili Ermənistan ordusunda rüh düşkünlüyünün ən yüksək səviyyədə olduğunu bildirib:

“Ermənistan vətəndaşlarının, hərbçilərin sosial şəbəkələrdə paylaşdıqları videolardan da onların nə qədər təlaş içində olduğu açıq-aşkar görünür. Ön xətdən nəinki hazırlıqsız əsgərlər, hətta müddətli hərbi qulluqçular və zabitlər belə fərarilik edərək qaçırlar. Azərbaycan ordusunda və cəmiyyətində isə böyük ruh yüksəkliyi müşahidə olunur. Son döyüşlər də göstərdi ki, ordumuz ölkə sərhədlərini qorumağa və düşmənə layiqli cavab verməyə hazırdır. Bu artıq 90-cı illərin pərakəndə döyüşçü yığımı yox, yüksək hazırlıqlı nizamlı ordudur”.

 

Azər Kərimli bir mühüm məqama diqqət çəkməyin vacib olduğunu qeyd edib. Millət vəkilinin sözlərinə görə, minlərlə Azərbaycan vətəndaşlarının Ali Baş Komandana, ordumuza, dövlətimizə dəstəyini ifadə etməsi sevindirici haldır. Amma bir qrup insanın vəziyyətdən başqa məqsədlər üçün yararlanmağa çalışması, heç bir hüquqi və mənəvi ölçüyə sığmır və belələri qanunun ən sərt üzü ilə cəzalandırılmalıdırlar:

“Təxribatçılar vətənpərvərlik, orduya və dövlətə dəstək aksiyasının istiqamətini dəyişməyə çalışsalar da buna nail ola bilmədilər”.

Millət vəkili Azərbaycan dövlətinin kifayət qədər güclü olduğunu və istənilən təhlükənin qarşısını almaq iqtidarında olduğunu vurğulayıb: “Şübhə etmirəm ki, təxribatçılar və beşinci kolonun nümayəndələri müəyyənləşdiriləcək və hüquq müstəvisində layiqli cəzalarını alacaqlar”.

BU KATEQORİYADAN OLAN DİGƏR XƏBƏRLƏR
+ Arxiv
Bel çantasında narkotik tapıldı 14 Avqust 2020, 11:10 “Gürcüstanın idarəetməsində azərbaycanlıların rolu artacaq” – Marneuli meri 14 Avqust 2020, 11:04 Azərbaycan XİN-i Pakistanı təbrik etdi 14 Avqust 2020, 10:59 Sabiq prezidentin həbs qərarı qüvvədə qaldı 14 Avqust 2020, 10:54 Nazirlik mebelə 1,6 milyon manat XƏRCLƏYƏCƏK 14 Avqust 2020, 10:48 Avropa Azərbaycanlıları erməni lobbisini dünya ictimaiyyətini çaşdırmaqda ittiham edib 14 Avqust 2020, 10:42 Vilayət Eyvazovdan YENİ TƏYİNAT 14 Avqust 2020, 10:36 Azərbaycan nefti yenidən ucuzlaşdı 14 Avqust 2020, 10:30 Ramiz Mehdiyev Əli Abbasovu işdən azad etdi 14 Avqust 2020, 10:24 Nazirlikdən şəbəkə qurğularındakı təhlükə ilə bağlı xəbərdarlıq 14 Avqust 2020, 10:18 Daha bir xarici jurnalist Qarabağa qanunsuz səfər etdi 14 Avqust 2020, 10:12 Mingəçevirdə gizli işləyən restoran TAPILDI  14 Avqust 2020, 10:06 Bələdiyyə sədri cərimələndi 14 Avqust 2020, 10:00 Dünyada koronavirusa yoluxanların sayı 21 milyonu keçdi 14 Avqust 2020, 09:54 Neft yenidən bahalaşdı 14 Avqust 2020, 09:48 Ermənilər 400 min azərbaycanlının suyunu kəsəcək - EKOLOJİ TERROR 14 Avqust 2020, 09:42 Təhsil naziri ictimaiyyətə müraciət etdi 14 Avqust 2020, 09:36 Sabahdan Bakıda ictimai nəqliyyatın hərəkəti dayandırılır 14 Avqust 2020, 09:30 Ermənilər Tovuzu yenidən atəşə tutdular - Müdafiə Nazirliyi  14 Avqust 2020, 09:24 Bakı sakinlərinə xəbərdarlıq - sabah küçəyə çıxmayın 14 Avqust 2020, 09:18 ABŞ-la Moskva arasında VAKSİN QALMAQALI 14 Avqust 2020, 09:12 Manat və dollar yeni günə bu MƏZƏNNƏ ilə başladı   14 Avqust 2020, 09:06 Prezident 16 universitetə rektor TƏYİN ETDİ 14 Avqust 2020, 09:00 Prezidentin “Qarabağ” yatağı ilə bağlı fikirləri İtaliya mətbuatında 14 Avqust 2020, 08:57 Erkən ölümü gözlərdən bilmək olur 14 Avqust 2020, 08:47 Müəllimlərin işə qəbulu BAŞLADI 14 Avqust 2020, 08:33 Lənkəranda aviobomba tapıldı 14 Avqust 2020, 08:24 Bu gün növbəti qəbul imtahanı keçirilir 14 Avqust 2020, 08:16 İki idmançımız dopinqə görə cəzalandırldı 14 Avqust 2020, 01:01 Gürcüstanın Azərbaycana borcu açıqlandı 14 Avqust 2020, 00:53 Xərçənglə mübarizədə yeni üsul tapıldı 14 Avqust 2020, 00:36 Nazir xəsarət alanlara görə məsuliyyəti üzərinə götürdü 14 Avqust 2020, 00:23 Bu gün növbəti qəbul imtahanı KEÇİRİLƏCƏK 14 Avqust 2020, 00:09 TAP layihəsinin 97 faizi tamamlanıb 13 Avqust 2020, 23:57 Şəmkir sakini bıçaqlandı 13 Avqust 2020, 23:42