Modern.az

Ermənistan Sevr müqaviləsinin bərpasını istəyir: Türkiyəyə qarşı rəsmi ƏRAZİ İDDİALARI

Ermənistan Sevr müqaviləsinin bərpasını istəyir: Türkiyəyə qarşı rəsmi ƏRAZİ İDDİALARI

Aktual

12 Avqust 2020, 13:30

1920-ci ildə imzalanmış Sevr müqaviləsinin 100 illiyi tamam olur. Türkiyə (o zaman Osmanlı imperiyası) ilə 14 dövlətin səlahiyyətli nümayəndəsi Ermənistanla bu müqavilənin bağlayıblar. Məqsəd Türkiyənin şərq ərazilərində Ermənistan dövlətinin yaradılması idi.

Sevr müqaviləsinin 100 illiyində Ermənistanın Baş naziri Nikol Paşinyan və prezidenti Armen Sarkisyan Türkiyəyə qarşı ərazi iddiaları irəli sürüblər.

 

Beynəlxalq Münasibətlərin Təhlili Mərkəzinin rəhbəri Fərid Şəfiyev Modern.az-a açıqlamasında hazırki Ermənistan hakimiyyətinin iddialarına aydınlıq gətirib:

“Ermənilər işğalçılıq ənənələrini yenə də davam etdirirlər. Halbuki, Sevr müqaviləsi heç vaxt qüvvəyə minməyib.  Çünki müqavilə imzalanan ərəfədə bir neçə dövlətlər vardı. Türkiyə bu müqaviləni qəbul etməli idi, ancaq bunu rədd etdi. Ona görə də hüquqi baxımdan bu müqavilə heç zaman qüvvədə ola bilməz.  1920-ci ilin oktyabrında Qars müqaviləsi qəbul olunub. Həmin sərhədləri Qars müqaviləsi tənzimləyib. Sevr müqaviləsi beynəlxalq hüquqda yoxdur”.

 

Fərid Şəfiyev  ermənilərin növbəti dəfə ərazi iddiaları ortaya atdığını deyib:

“Ermənilər hər zaman olduğu kimi yenə əsassız ərazi iddiaları ortaya atırlar. Ermənilərin təkcə Azərbaycana yox, Türkiyəyə qarşı da  ərazi iddiaları ortaya atdıqları məlumdur”.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir