Tacikistanda fəaliyyət göstərən Avesta İnformasiya Agentliyi bu ölkədəki erməni səfirliyinin qəzəbinə tuş gəlib. Səbəb isə ermən terrorunun agentliyin saytının səhifələrində davamlı olaraq işıqlandırılmasıdır.
Ermənistanın bu ölkədəki səfiri redaksiyaya məktub ünvanlayaraq bildirib ki, “sizin agentliyin yaydığı məlumatlar və publisistik yazılar bir tərəfin mövqeyini əks etdirir. Dağlıq Qarabağ münaqişəsi düzgün işıqlandırılmır”.
Erməni səfir eyni zmanda agentliyə yazdığı məktubda qeyd edib ki, 26.10.2020-ci ildə dərc olunan “Erməni terrorizmi: İdeologiyanın qanlı izləri” məqaləsinin araşdırılması üçün Tacikistan XİN-ə məktub ünvanlayıb.
“Belə ki, məqalədə yazılanlar erməni xalqını təhqir edir və onların buradakı nüfuzuna xələl gətirir. Səfirlik həmin yazının saytdan çıxarlmasını tələb edib”,-məktubda bildirilib.
Modern.az-ın məlumatına görə, Tacikistanın Avesta Agentliyi - Avesta.tj Azərbaycanın apardığı haqlı Vətən müharibəsini və erməni qəsbkarlarının törətdikləri son terror hadisələrini öz saytında daima işıqlandırır.
//avesta.tj/2020/10/26/armyanskij-terrorizm-krovavye-sledy-ideologii/