Hazırda ölkədə COVID-19 infeksiyasına yoluxanların sayı durmadan artmaqdadır. Onlarla vəkil də koronavirusa yoluxub. Bu barədə Modern.az-a Vəkillər Kollegiyasının sədri Anar Bağırov bildirib.
O təəssüflə qeyd edib ki, bu bəla vəkillərimizdən və Vəkillər Kollegiyasının Rəyasət Heyətinin Aparat əməkdaşlarından da yan keçməyib.
A.Bağırovun sözlərinə görə, virusa yoluxmuş vəkillər həkim nəzarəti altındadır:
“Həmkarlarımız həkim nəzarəti altında müalicə olunurlar, hər kəsə Allahdan şəfa diləyirəm! Hər birinizdən artıq dərəcədə xahiş edirəm, özünüzü və yaxınlarınızı qoruyun, bütün sanitar qaydalara ciddi əməl edin”.