Arxiv
2 Dekabr 2020, 20:30 | AKTUAL
“Bu məsələyə tələskənliklə yanaşmaq düzgün deyil” - Fatma Yıldırım

“Bu günlər, həqiqətən də, tarixi anlar yaşayırıq. 2020-ci il Azərbaycan tarixinə möhtəşəm qələbə ili kimi qızıl hərflərlə yazılacaq. Bu il Prezidentimiz, müzəffər Ali Baş Komandanımız İlham Əliyevin rəhbərliyi ilə şanlı Azərbaycan Ordusu torpaqlarımızın Ermənistan tərəfindən işğalına son qoydu. Dekabrın 1-də Laçın rayonunun da azad edilməsi ilə Azərbaycanın ərazi bütövlüyü bərpa edildi. Laçının azad olunması ilə Azərbaycan BMT Təhlükəsizlik Şurasının qətnamələrini faktiki olaraq məhz özü hərbi-siyasi yolla yerinə yetirmiş oldu”. 

 

Bu fikirləri Modern.az-a Milli Məclisin deputatı Fatma Yıldırım deyib. Millət vəkili bildirib ki, Azərbaycan Prezidenti İlham Əliyev dekabrın 1-də xalqa müraciəti zamanı əvvəlki danışıqlar prosesinin bəzi detalları, ölkəmizə olan müəyyən təzyiqlər, bəzi qərb dairələrinin Ermənistana dəstək verməsi və s. məsələlər haqqında məlumat verdi. Belə ki, Ermənistan tərəfi bütün Laçın rayonunun onlara dəhliz kimi verilməsində israr edib və bu məqsədlə Ermənistan rəhbərliyi əvvəllər ümumiyyətlə ermənilər yaşamayan Laçın rayonunda qanunsuz məskunlaşdırma həyata keçirib. Belə bir fikir həmişə aşılanmağa çalışılıb ki, Laçın rayonu Ermənistanda qalmalıdır. Biz bununla da görürük ki, möhtərəm Prezidentimiz ötən illər ərzində beynəlxalq güclərin təhdid və təzyiqlərinə qarşı polad iradə nümayiş etdirib, milli maraqlarımızı daim qoruyub. Məhz bu mübarizlik və qətiyyətin məntiqi sonluğu kimi xalqımız öz haqlı mübarizəsində zəfər qazandı. 

 

Fatma Yıldırımın sözlərinə görə 10 noyabr bəyanatından sonra razılaşmalar mərhələlərlə həyata keçirilir: 

 

“Amma cəmiyyətdə gələcəkdə atılacaq addımlarla bağlı indidən bəzi fikir və iddialar irəli sürülür. Hesab edirəm ki, hər şeyin zamana ehtiyacı var və bu məsələyə tələskənliklə yanaşmaq düzgün deyil. Cənab Prezident 10 noyabr razılaşmasının bəndlərini bir-bir izah etdi və gələcək mərhələlərdə nəzərdə tutulan addımlarla bağlı vaxtı çatanda ictimaiyyətə müvafiq açıqlamalar veriləcəyini bildirdi. Biz dövlətimizin başçısına sonsuz güvənirik və onun qərarlarının arxasındayıq. Prezidentimiz bizə, bəlkə də, bir neçə ay əvvəl xəyal belə etmədiyimiz günləri yaşatdı. Danışıqlar prosesinin uzanması nəticəsində etiraf edək ki, xalqımızda torpaqların azad olunacağı ilə bağlı bir inamsızlıq yaranmışdı. Ancaq bu gün məlum olur ki, biz bu illər ərzində danışıqlar masasında qətiyyətli mövqe ortaya qoya bilmişik. İndi daha yaxşı başa düşürük ki, dövlətimiz tərəfindən düzgün addımlar atılıb və sadəcə müəyyən zamana ehtiyac var imiş. Ermənistan və onun havadarlarının bütün təzyiqlərinə rəğmən dövlətimiz təslim olmayaraq maraqlarımıza zidd olan təklifləri qəbul etməməklə  iradəsini nümayiş etdirib. Əminik ki, bu günə qədər olduğu kimi bundan sonrakı mərhələdə də dövlət başçısı tərəfindən aparılan düzgün siyasət davam etdiriləcəkdir. Tezliklə işğaldan azad olunmuş ərazilərimizdə böyük quruculuq işləri həyata keçiriləcək və doğma Qarabağımız yenidən gülüstana çevriləcək”.

 

Azərbaycan Prezidentinin sərəncamları ilə hər il 27 sentyabrın Anım Günü, 10 noyabr tarixinin isə Zəfər Günü  kimi qeyd ediləcəyini deyən deputatın fikrincə bu təqvimlər tariximizdə əbədi yaşayacaq.

 

“Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi ölkəmizin qələbəsini təmin edən mühüm amillər oldu. Ulu əcdadlarımızın zəngin dövlətçilik və hərb tarixindən ilhamlanan Azərbaycan xalqı daha bir şanlı qəhrəmanlıq salnaməsi yazaraq düşmən üzərində tarixi zəfər qazandı və özünün qalib xalq olduğunu bütün dünyaya sübut etdi. Artıq tariximizdə yeni mərhələ başlayır. Azərbaycan dövlətinin yaratdığı yeni reallığı bütün dünya qəbul etməlidir və bu mərhələyə Azərbaycan daha güclü və qüdrətli dövlət kimi daxil olur”, - deyə Fatma Yıldırım söyləyib.

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanın Avropa Şurasına üzvlüyünün 20 illiyi qeyd olundu - FOTO 26 Yanvar 2021, 08:26 Merkel Baydeni Almaniyaya dəvət etdi 26 Yanvar 2021, 08:20 Koronavirusa yoluxanların sayı 100 milyonu ötdü 26 Yanvar 2021, 01:00 Bayden Trampın bu qərarını ləğv etmədi 26 Yanvar 2021, 00:49 Xırdalanda dağıntılar altından bir nəfərin cəsədi çıxarıldı - VİDEO - YENİLƏNİB 26 Yanvar 2021, 00:35 Partlayışda qonşularına kömək edən şəxsin ayağı sındı   26 Yanvar 2021, 00:29 İcbari Tibbi Sığorta sistemi 2 mərhələdə həyata keçiriləcək 26 Yanvar 2021, 00:17 Teledərslərin bu günə olan CƏDVƏLİ 26 Yanvar 2021, 00:01 “Fənərbaxça” 3 xalı 3 qolla qazandı 25 Yanvar 2021, 23:50 Putin prezidentlikdən sonra çalışacağı sahəni açıqladı 25 Yanvar 2021, 23:38 Baş nazir istefa verəcək 25 Yanvar 2021, 23:29 “Türk Hava Yolları” bu ölkəyə uçuşları dayandırdı 25 Yanvar 2021, 23:17 Sumqayıtda maşın piyadanı vurub öldürdü 25 Yanvar 2021, 23:03 Avtobus qəzasında 21 nəfər öldü 25 Yanvar 2021, 22:54 Xırdalandakı partlayışda yaralananların ADLARI 25 Yanvar 2021, 22:43 “ABŞ Azərbaycan və Ermənistan arasında sülh quruculuğu prosesinə töhfə verə bilər” 25 Yanvar 2021, 22:36 Bayden transgenderlərin orduda xidmətinə icazə verdi 25 Yanvar 2021, 22:22 AŞPA-dakı bəzi qruplar vəziyyəti qızışdırmağa çalışırlar - Səməd Seyidov 25 Yanvar 2021, 22:15 Qənirə Paşayeva şəhid ailələri ilə görüşdü - FOTO 25 Yanvar 2021, 22:04 ATƏT Dağlıq Qarabağın status məsələsini yersiz qabardır - Hikmət Hacıyev 25 Yanvar 2021, 21:51 Partlayış ərazisindən yeraltı qaz kəməri keçmir - “Azəriqaz” 25 Yanvar 2021, 21:42 Avropa İttifaqı peyvəndin başqa ölkələrə daşınmasını məhdudlaşdıracaq 25 Yanvar 2021, 21:29 General Xırdalandakı hadisə yerinə gəldi 25 Yanvar 2021, 21:14 Baş nazir Mədəniyyət Nazirliyinə tapşırıq verdi 25 Yanvar 2021, 20:54 Köçkünlərin yurdlarına qaytarılması üçün xüsusi proqram hazırlanacaq 25 Yanvar 2021, 20:45 Nazirlər Kabineti 2021-ci il üçün prioritetləri müəyyənləşdirdi 25 Yanvar 2021, 20:22 Son 10 ildə təbii fəlakətlərdən ölənlərin sayı açıqlandı 25 Yanvar 2021, 20:17 3 min dollardan ucuz elektromobillər istehsal olunacaq 25 Yanvar 2021, 20:04 “Azərbaycan və Ermənistan arasında əldə olunan sülhü alqışlayırıq” - Baş katib 25 Yanvar 2021, 19:55 Füzulinin Dövlətyarlı kəndi - VİDEO 25 Yanvar 2021, 19:46 Moskvada mitinqdə iştirak edən 30 nəfər həbs edildi 25 Yanvar 2021, 19:38 Prokurorluq Sevdanın intiharı ilə bağlı araşdırma aparır 25 Yanvar 2021, 19:30 Bu pozuntulara görə mindən çox şəxs məsuliyyətə cəlb olundu 25 Yanvar 2021, 19:13 Xırdalanda güclü partlayış - xəsarət alanlar var - VİDEO 25 Yanvar 2021, 19:04 Azərbaycan məhsulları Qətərə ixrac olunur 25 Yanvar 2021, 18:56