Arxiv
7 Yanvar 2021, 13:00 | PARLAMENT
“Azərbaycan az sayda ölkələrdəndir ki, heç bir sosial layihəni təxirə salmayıb” - ÜLVİ QULİYEV

Modern.az Milli Məclisin deputatı Ülvi Quliyevlə müsahibəni təqdim edir:

- Ülvi müəllim, dünya mediasında bir çox həmkarlarım, ekspertlərin bir qismi Covid-19 pandemiyasını az qala üçüncü dünya müharibəsi ilə eyniləşdirirlər. Amma 2020-ci ilin sonu xalqımız və dövlətimiz adına möhtəşəm oldu. Ötən ilə siz Azərbaycan üçün necə dəyərləndirirsiniz?

-
Dünən Prezident İlham Əliyev 2020-ci ilin yekunlarına həsr olunmuş müşavirə keçirdi. Dövlətimizin başçısı tərəfindən ötən ilin dəyərləndirilməsi belə oldu: “Azərbaycan 44 gün ərzində tarixi qələbə qazanaraq öz torpaqlarını azad edib, düşmənə sarsıdıcı zərbələr endirib və Ermənistanı məğlub edib. Bizim şanlı Qələbəmiz bizim güclü iradəmizi, xalqımızın güclü əzmini bütün dünyaya nümayiş etdirdi”.

Prezidentimizin həmin fikirlərini tam şəkildə bölüşürəm, eyni zamanda bunu da deməyi özümə mənəvi borc hesab edirəm. Bütün dünya gördü ki, xalqımızı və müzəffər Ordumuzu haqq savaşında inamla qələbəyə aparan İlham Əliyev kimi qətiyyətli Ali Baş Komandanımız var.Vətən müharibəsi günlərində əldə etdiyimiz tarixi nailiyyətlərimizdən biri məhz ümumxalq birliyimizlə bağlıdır. Onu bədxahlarımızdan bundan sonra da qorumağı bacarmalıyıq. Allah şəhidlərimizə rəhmət eləsin, yaralılarımıza şəfa versin. Pandemiyaya baxmayaraq, 2021-ci ilə yalnız qalib xalqlara xas ola biləcək mənəvi-psixoloji üstünlüklə qədəm qoyduq. Yeni ilin elə ilk günlərində şahmat ustamız Teymur Rəcəbovun erməni şahmatçısı üzərindəki parlaq qələbəsi də təsadüfi deyildi. Bu qələbədə yüksək peşəkarlıqla yanaşı, həmin psixoloji ruh yüksəkliyinin və bundan doğan məsuliyyətin təsiri də az deyil. Teymur Rəcəbov 2021-ci ildə Azərbaycan xalqınını durumunu öz qələbəsi ilə ifadə etdi.

Fürsətdən istifadə edib,Teymur Rəcəbovu səmimi qəlbdən təbrik edirəm. Bu uğur təkcə şahmat lövhəsindəki qələbə demək deyil.

- Təbriklərinizə biz də qoşuluruq. Amma bu qələbələrdən sonra Tarif Şurası benzinin və dizelin qiymətlərini artırdı. Bu qərar cəmiyyətimizdə birmənalı qarşılanmayıb,sosial şəbəkələrdə çoxsaylı tənqidi fikirlər yer almaqdadır. Tarif Şurasının bu qərarına münasibətinizi bilmək istərdik.

-
Qiymət artımı hansı ölkədə baş verirsə-versin, heç vaxt birmənalı qarşılanmır və cəmiyyətlər bu cür qərarları təqdir etmirlər. Bu da təbiidir. Tarif Şurasının qərarını əsaslandırdığı məqamlara toxunmadan, şəxsi fikirlərimi bölüşə bilərəm. Ötən ilin 10 ayını Covid-19-la bağlı pandemiya, məhdudiyyətlər, karantin şəraitində yaşamalı olduq. İnsanlarımızın sağlamlığının qorunması, itkilərimizin minimuma endirilməsi məqsədilə hökumətin müəyyən etdiyi məhdudiyyətlər zəruridir və ÜST-nın tövsiyyələrinə söykənir. Dünya dövlətləri kimi, Azərbaycan da həmin tövsiyyələrə riayət etməyə məcburdur. 2020-ci ildə dünya iqtisadiyyatında ciddi geriləmələr, bəzi ölkələrdə 9%-dən yuxarı həddə azalmalar qeydə alınıb, ölkəmizin iqtisadiyyatı isə 4% civarında kiçilib. Dünya bazarlarında neftin qiyməti kəskin şəkildə aşağı düşüb. Məlumdur ki, iqtisadiyyatımızda, büdcənin formalaşmasında neft- qaz satışından gəlirlər əhəmiyyətli rol oynayır. 2020-ci il həm də Ermənistan üzərində tarixi qələbə ilimiz oldu. Müharibə həm də çox böyük maliyyə məsrəfləri  deməkdir. İqtisadiyyata və büdcənin formalaşdırılmasına ciddi təsiri olan bu amillərə baxmayaraq, 2019 -2020-ci illər ərzində ölkəmizdə sosial paketlərin həcmində məhdudiyyətlərə imkan verilməyib, əksinə onların həcmi artırılıb,əhatə dairəsi genişləndirilib. 2019-cu ildə təkcə iki sosial paket üzrə maliyyə yükü 2,3 milyard, 2020-ci ildə isə 3 milyard manat təşkil edib. Pandemiya ilə əlaqədar sosial dəstək tədbirləri təxminən 5 milyona yaxın insanı əhatə edib. Rəqəmlərlə sizi və oxucularınızı yormaq istəmirəm. Bir onu diqqətinizə çatdırmaq istərdim ki, Azərbaycan çox az sayda ölkələrdən biridir ki, obyektiv amillərlə bağlı olan iqtisadi çətinliklərin ciddiliyinə baxmayaraq, son iki ildə nəzərdə tutduğu heç bir sosial layihəni təxirə salmayıb, o cümlədən məcburi köçkünlərlə, aztəminatlı ailələrlə,şəhid ailələri və müharibə əlilləri ilə, sosial reablitasiyaya ehtiyacı olanlarla bağlı və digər layihələr tam şəkildə icra olunub. İki məsələyə də diqqət çəkmək istərdim. Azərbaycan Ordusu Ermənistanı diz üstə çökdürsə də, orada revanşist qüvvələr hələ də qalmaqdadır. Bu,o deməkdir ki, hərbi xərclərimizin azalmasına da imkan verilə bilməz.

Eyni zamanda, Qarabağ faktiki olaraq yenidən qurulmalıdır, düşmən torpaqlarımızı viran qoyub. Bütün bu obyektiv çətinliklərin fonunda istənilən ölkədə hansısa sahədə qiymət artımı qaçılmaz ola bilər.İqtisadçı-ekspertlərdən bəziləri son qiymət artımını devalvasiya təhlükəsini önləməklə əlaqələndirirlər. Zənnimcə, vacib olan məsələlərdən biri odur ki, qiymət dəyişikliklərinin digər sahələrə təsirinin minimuma endirilməsi üçün hökumət müvafiq tədbirləri artıq nəzərdə tutub. Məsələn,dizel yanacağından istifadə etməklə sərnişindaşıma ilə məşğul olan sahibkarlıq subyektlərinə kompensasiyalar veriləcək.Yanvar ayının sonunadək bunun mexanizmi açıqlanacaq. Kənd təsərrüfatı sahəsində subsidiyaların məbləğinə yenidən baxılacaq. Aİ-92 markalı benzinin pərakəndə satış qiyməti bir litr üçün 1 manatdır. Bu, Rusiya bazarındakı qiymətlə eyni qiymətdir,əksər MDB ölkələrindəki qiymətlərdən isə aşağıdır. Ölkəmizin iqtisadiyyatı dünya iqtisadiyyatı ilə bağlıdır, onun bir parçasıdır. Bu səbəbdən, ümumi obyektiv çətinliklərin nəzərə alınmaması mümkünsüzdür. Hazırkı vəziyyətdə aidiyyatı qurumlar ona nəzarət etməlidirlər ki, başqa sahələrdə qiymət artımından sui-istifadə olunmasın,süni qiymət artımına yol verilməsin.

          

 Fidan QARAYEVA

 

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanla Türkmənistan daha da yaxınlaşdılar - Təhlil 21 Yanvar 2021, 19:19 Bakı metrosunun nə zaman fəaliyyətə başlayacağı məlum oldu 21 Yanvar 2021, 19:10 Bahar Muradova İordaniya səfiri ilə görüşdü 21 Yanvar 2021, 19:02 Reza Deqati Azərbaycanla bağlı keçirilən vebinarda çıxış edib 21 Yanvar 2021, 18:54 Kəlbəcərin Kəndyeri kəndi - VİDEO 21 Yanvar 2021, 18:45 Bakı Şəhər Prokurorluğunun 8 əməkdaşı cəzalandırıldı 21 Yanvar 2021, 18:36 Polis əməliyyat keçirdi - 14 kq narkotik dövriyyədən çıxarıldı 21 Yanvar 2021, 18:27 Naxçıvanda da Medianın İnkişafı Agentliyi yaradıldı 21 Yanvar 2021, 18:19 Bu ölkələrdən Azərbaycana quş ətinin idxalına qadağa qoyuldu 21 Yanvar 2021, 18:10 İndoneziyada 7,1 bal gücündə zəlzələ olu 21 Yanvar 2021, 18:02 Ötən il Azərbaycanda oğurlanan maşınların SAYI 21 Yanvar 2021, 17:56 Pakistan ballistik raketini sınaqdan keçirdi 21 Yanvar 2021, 17:50 Şoyqu Ermənistanın müdafiə naziri ilə DANIŞDI 21 Yanvar 2021, 17:45 Rusiyalı media maqnatı: “Paşinyan adi icevanlı çobandır” 21 Yanvar 2021, 17:39 Daxili Qoşunların yaralanan hərbçisi bu gün şəhid oldu 21 Yanvar 2021, 17:35 Baydenin komandasında kimlər var? - SİYAHI 21 Yanvar 2021, 17:29 Cavad Zərifin Azərbaycana səfər tarixi və proqramı AÇIQLANDI 21 Yanvar 2021, 17:23 Bu ölkə turistlərdən koronavirus pasportu tələb etməyəcək 21 Yanvar 2021, 17:17 ADU-nun Şəhid tələbəsi haqqında kitab çap olundu 21 Yanvar 2021, 17:14 Bu günün yoluxma sayı - ölüm azaldı 21 Yanvar 2021, 17:08 Vətən müharibəsində 8 mədəniyyət işçisi şəhid olub - 10 nəfər yaralanıb 21 Yanvar 2021, 17:02 20 Yanvar faciəsi ilə bağlı məlumatlar yapon dilində  21 Yanvar 2021, 17:00 O dünyadan xəbər var... 21 Yanvar 2021, 16:56 Lavrov ATƏT-in sədri ilə görüşəcək 21 Yanvar 2021, 16:54 Nazirlik hansı şagirdlərin sinifdə qalacağına aydınlıq gətirdi 21 Yanvar 2021, 16:48 Xəzər mehriban qonşuluq, əməkdaşlıq dənizidir - İlham Əliyev 21 Yanvar 2021, 16:42 Küçədən tapılan 12 yaşlı qız ailəsinə verildi 21 Yanvar 2021, 16:36 Səhiyyə komitəsi “Reproduktiv sağlamlıq haqqında” qanun layihəsi hazırlayacaq 21 Yanvar 2021, 16:30 Məktəblilər bu tarixdə qış tətilinə çıxacaq 21 Yanvar 2021, 16:24 İki türk dövlətinin “Dostluq” anlaşması - TƏHLİL 21 Yanvar 2021, 16:18 İlham Əliyev: Bu gün biz Türkmənistanla çox mühüm addım atırıq - YENİLƏNİB 21 Yanvar 2021, 16:15 “Universitetlərdə bu qədər müəllimə ehtiyac yoxdur” - Rektordan etiraz 21 Yanvar 2021, 16:12 Füzulinin Dördçinar kəndindən VİDEO 21 Yanvar 2021, 16:06 “Nar” Qarabağ müharibəsi veteranları üçün xüsusi güzəştlər təqdim edir    21 Yanvar 2021, 16:00 Hərbi Prokurorluğun 19 işçisi cəzalandırılıb 21 Yanvar 2021, 15:55