Ötən il məhkəmələrin yerli probasiya qurumlarında 9576 məhkum qeydiyyata alınıb, eyni zamanda müxtəlif hüquqi əsasla 10453 məhkum qeydiyyatdan çıxarılıb.
Modern.az-ın məlumatına görə, bunu Ədliyyə Nazirliyinin Probasiya xidmətinin rəis müavini Musa Hümbətov 2020-ci ilin yekunlarına həsr olunmuş videoformatda mətbuat konfransında bildirib.
M.Hümbətov qeyd edib ki, hesabat dövründə cərimə cəzasının icrası ilə bağlı 1,3 milyon manata yaxın vəsaitin dövlət büdcəsinə köçürülməsi təmin edilib. Bu da ödənilən məbləğin 59 faizindən çoxunu təşkil edir.