Arxiv
18 Oktyabr 2021, 23:16 | AKTUAL
Qərbi Azərbaycan icmasında görüş

Oktyabrın 16-da Cəfər Cabbarlı adına İrəvan Dövlət Azərbaycan Dram Teatrının bir qrup keçmiş aktyorunun təşəbbüsü ilə onlarla Azərbaycan Qaçqınlar Cəmiyyəti və Qərbi Azərbaycan İcmasının mərkəzi ofisində İcmanın rəhbərliyi ilə görüşü keçirilib

 

Modern.az xəbər verir ki, Azərbaycan Qaçqınlar Cəmiyyəti və Qərbi Azərbaycan İcmasının sədri, millət vəkili Əziz Ələkbərli görüş iştirakçılarını salamladıqdan sonra qonaqlara Azərbaycan Qaçqınlar Cəmiyyəti və Qərbi Azərbaycan İcmasının fəaliyyəti və məramı barədə məlumat vermiş, soydaşlarımızın son iki yüz il ərzində mərhələlərlə doğma ocaqlarından qovulmasının heç bir hüquqa və ədalətə sığmadığını, onların, onların varislərinin ata-baba ocaqlarına qayıtmaq uğrunda mübarizə aparmaq haqqı olduğunu, hamının da bu mübarizəyə töhfə verməyə borclu olduğunu bildirdi.

 

Ə.Ələkbərli bu məsələdə İrəvan Dövlət Azərbaycan Dram Teatrının da üzərinə çox böyük vəzifələr düşdüyünü və bu teatrdan çox böyük gözləntiləri olduğunu bildirdi. Xüsusilə gənc nəslin Qərbi Azərbaycana qayıdış ruhunda tərbiyəsində teatr böyük rol oynaya bilər ki, indilikdə bu, teatrın repertuarında və tamaşalarında kifayət qədər hiss olunmur. İrəvan teatrında uzun illər işləmiş, bu teatrın simasını təşkil edən İrəvan əsilli tanınmış aktyorların, Azərbaycan Respublikasının Əməkdar və Xalq artistlərinin teatrdan uzaqlaşması da teatrın işinə öz mənfi təsirini göstərməmiş deyil. 

 

Əziz Ələkbərli İrəvan teatrında mövcud vəziyyətin bütün tərəfləri ilə müzakirə olunmasını, bu teatrın mövcudluğunun xüsusilə bu gün – 44 günlük Vətən müharibəsi nəticəsində torpaqlarımızın 30 illik işğaldan azad edilməsindən sonrakı dövr üçün siyasi əhəmiyyətini qeyd edərək teatrın inkişafı üçün açıq söhbətə ehtiyac olduğunu bildirdi. “Biz Qərbi Azərbaycanın bir parçası olaraq özümüzlə gətirdiyimiz Teatrımın taleyinə biganə qala bilmərik”, – deyə o bildirdi.

 

Görüşdə onillər boyu İrəvan Dövlət Azərbaycan Dram Teatrının keçmiş aktyorları – bu teatrın onillər boyu aktyoru, 1988-ci ildən sonrakı qaçqınlıq dövründə isə uzun müddət direktoru olmuş Azərbaycanın Xalq artisti Vidadi Əliyev, Əməkdar artist Aydın Əliyev, Əməkdar artist Vaqif Kərimov, aktyor Əjdər Zeynalov və b. teatrın yenidən dirçəldilməsi, tarixi torpaqlarımızla bağlı milli ideologiyamıza xidmət baxımından yenidən formalaşdırılması barədə öz fikir və mülahizələrini bildirdilər.

 

Görüşdə əsasən İrəvan teatrının inkişafına mane olan amillər, İrəvan kökənli xeyli sayda aktyor və aktrisanın müxtəlif səbəblərlə teatrdan uzaqlaşdırılması, teatrın repertuarında İrəvana, Qərbi Zəngəzura, Göyçəyə və digər tarixi mahallarımıza qayıdış ideyasına xidmət edən əsərlərin yoxluğu və s. kimi məsələlər geniş müzakirə olundu. 

 

Görüşdə Qərbi Azərbaycan İcması sədrinin birinci müavini Mirfaiq Mirheydərli, aparat rəhbəri Abduləli Həsənov, sədr müavini Fəxrəddin Nəbiyev, Amasiya rayon icmasının sədri Ələsgər Məmmədov, professor Aslan Bayramov, Qasım Süleymanov və b. iştirak və çıxış etmişlər.

 

Yekunda teatrın əvvəlki simasının özünə qaytarılmasında və inkişafında hər bir vətəndaşımızın mənəvi məsuliyyətinin olması xüsusi vurğulandı və teatrın yenidən təşkili üçün müvafiq dövlət qurumlarına müraciət olunması qərara alındı.

BU KATEQORİYADAN OLAN DİGƏR XƏBƏRLƏR
+ Arxiv
“Omikron”un daha yoluxucu olması ilə bağlı sübutlar YOXDUR 29 Noyabr 2021, 00:50 Bayden və Putin ilin sonuna qədər danışa bilər 29 Noyabr 2021, 00:42 Polşada Nizami Gəncəvinin 880 illiyi qeyd edildi 29 Noyabr 2021, 00:22 Əliyev Aşqabadda nəyə nail oldu? 29 Noyabr 2021, 00:04 Tovuzda ölümlə nəticələn ağır qəza 28 Noyabr 2021, 23:55 Spiker Ərəb Parlamentinin sədri ilə görüşdü 28 Noyabr 2021, 23:32 Sahibə Qafarova pakistanlı həmkarı ilə GÖRÜŞDÜ 28 Noyabr 2021, 23:18 Taliban avropalı diplomatlarla danışıqlar apardı 28 Noyabr 2021, 22:50 Deputatlar Qırğızıstan seçkilərini İZLƏDİLƏR 28 Noyabr 2021, 22:32 “Omikron”u öyrənmək üç həftə vaxt alacaq 28 Noyabr 2021, 22:08 Prezidentin Türkmənistana səfəri başa çatdı 28 Noyabr 2021, 21:47 Azərbaycan və Tacikistan Prezidentləri arasında görüş - YENİLƏNİB 28 Noyabr 2021, 21:44 İlham Əliyev və Ərdoğan görüşdü - YENİLƏNİB 28 Noyabr 2021, 21:35 İlham Əliyev və Rəisi arasında Zəngəzur dəhlizi müzakirəsi 28 Noyabr 2021, 21:30 Rəisi Qarabağdan DANIŞDI 28 Noyabr 2021, 21:24 Türkiyədə koronavirusla bağlı son vəziyyət 28 Noyabr 2021, 21:16 İlham Əliyev və Rəisi görüşdü - YENİLƏNİB 28 Noyabr 2021, 21:00 "Omikron" bu dəfə Danimarkada 28 Noyabr 2021, 20:56 Çexiyada yeni hökumət rəhbəri 28 Noyabr 2021, 20:44 “Qalatasaray”ın sabiq prezidenti vəfat etdi 28 Noyabr 2021, 20:16 Qırğızıstan seçkilərinin ilkin nəticələri 28 Noyabr 2021, 19:52 İran, Azərbaycan və Türkmənistan arasında qaz MÜQAVİLƏSİ 28 Noyabr 2021, 19:45 "Region ölkələri ilə ticarətin inkişafı prioritetidir" - Rəisi 28 Noyabr 2021, 19:25 Ərdoğan Zəngəzur dəhlizindən DANIŞDI 28 Noyabr 2021, 19:11 Tehranın hədəfi 28 Noyabr 2021, 18:45 Rusiyadan "Omicron"la bağlı təkzib - YENİLƏNİB 28 Noyabr 2021, 18:39 Peru silkələndi 28 Noyabr 2021, 18:32 "Zirə" qalib gəldi 28 Noyabr 2021, 18:18 Hökumətlərarası komissiyanın iclası keçiriləcək 28 Noyabr 2021, 18:02 Poroşenko: "Belarus tələ qurub" 28 Noyabr 2021, 17:58 Finalçı gimnastlar müəyyənləşdi 28 Noyabr 2021, 17:50 Ərdoğan Azərbaycanın qələbəsindən söz açdı 28 Noyabr 2021, 17:42 Türkiyə prezidenti Aşqabad Zirvəsinin hədəfini açıqladı 28 Noyabr 2021, 17:17 Ərdoğan və Rəisi Azərbaycanı MÜZAKİRƏ ETDİ 28 Noyabr 2021, 17:12 Kuçava Rusiyanı işğalçı adlandırıldı 28 Noyabr 2021, 16:58
SORĞU Kommunal xərciniz ən çox hansı xidmətə gedir?