Arxiv
5 mart 2013, 14:34 | MÜSAHİBƏ
“Ağsaqqallara əməkdaşlıq təklif edirəm” - Ağbirçəklər Şurasının sədri - MÜSAHİBƏ

Zərifə Quliyeva: “Bəyəm ərini itirən dul qalmalıdır?!”

Bu yaxınlarda ölkədə Ağbirçəklər Şurasının yaradılması vacibliyi ilə bağlı çıxışlar oldu. Bəyanat müəllifi, hələlik fəaliyyəti paytaxtın Nəsimi rayonu ilə məhdudlaşan Ağbirçəklər Şurasının sədri Zərifə Quliyeva Modern. az-a müsahibəsində də sözügedən ictimai qurumun yaradılmasının zəruriliyini vurğulayıb. 

– İxtisasca həkiməm, uzun müddət Nəsimi rayon Səhiyyə şöbəsinin müdiri olmuşam. Orada işlədiyim müddətdən indiyədək Ağbirçəklər Şurasının sədriyəm. Eyni zamanda Yeni Azərbaycan Partiyasının İdarə Heyətinin, Ailə, Qadın və Uşaq Problemləri üzrə Dövlət Komitəsinin üzvüyəm. Əslində 2008-ci ildən Ailə, Qadın və Uşaq Problemləri üzrə Dövlət Komitəsi rayonlarda Ağbirçəklər Şurasının yaradılması ilə bağlı sərəncam verib. Bizim şuralarda savadlı, ziyalı qadınlarımız toplanıb, iclaslarımız, görüşlərimiz olur. Bu görüşlərin indiki cavanlara da böyük xeyri var.

Sizin şurada “Qocalar Evi”ndən olan ahıllar da varmı?

– Yox, sadəcə biz onların görüşlərinə gedirik. Onlar qapalı mühitdə yaşayırlar, şura üzvü ola bilməzlər.

– Ölkə miqyaslı Ağbirçəklər Şurası nə vaxtdan fəaliyyətinə başlayacaq?

– Dəqiq tarix hələ bəlli deyil. Amma düşünürəm ki, respublika üzrə mərkəzimiz olsa, problemlər daha tez həlli yolunu tapar. Bu cəmiyyətin öz nizamnaməsi, komitəsi, funksiyaları, əmri, göstərişi olacaq.

– Şuranızda tanınmış şəxslər varmı?

– Akademik Adilə Namazova və digər tanınmış xanımlar.

– Ağbirçəklər Şurası yaradıldıqdan sonra Ağsaqqallar Şurası ilə münasibətlər necə olacaq?

– Hələ ki, Ağsaqqallar Şurasından heç bir təklif gəlməyib. Ola bilsin ki, onlar da öz təkliflərini irəli sürəcəklər.

– Sizin üzvlərinizin minimal yaş həddi neçədir?

– 45.



– İclaslarınızda ənənəvi problem olan gəlin-qaynana, tərk edilmə kimi məsələlərə toxunulurmu?

– Əlbəttə, Şurada tədbir olanda gündəlik mövzular müəyyənləşdirib, müzakirə etməyə çalışırıq.

– Necə bilirsiniz, gəlin-qaynana münasibətləri qlobal məsələdir? Bunu nə psixoloqlar, nə sosioloqlar həll edə bilirsə, Şuranız problemə necə çarə qılır? Olurmu ki, gəlinləri və qaynanaları bir araya gətirib söhbət edəsiniz?

– Bu günlərdə Xoşqədəm Hidayətqızının proqramında bu mövzu ilə əlaqədar ekspert kimi çıxış etdim. Şuramızda da gəlin-qaynana anlaşmazlığı ilə əlaqədar 3 məsələni həll etdik. Onlar arasında barışıq oldu. Mən xoşlayıram ki, cavanlar ərköyünlüklərini bir kənara qoysunlar. Elə ailələr tanıyıram ki, gəlin qaynananı çox incidib, ayrılıb, sabah həmin hadisə özünün başına gəlib. Mənim kitablarımda həyati məsələlər var, gənclərə məsləhətlərimi vermişəm. Çünki belə anlarda obyektiv olmağa çalışıram.

– Adətən, ər rəhmətə gedəndə qadın düşünür ki, bununla da həyat bitdi. Ağbirçəklər Şurasında necə, gələcəkdə belə bir nümunə olacaq ki, üzvünüz olan ağbirçək xanım Ağsaqqallar Şurasından olan ağsaqqalla ailə həyatı qursun?

– Kimsə ərini itiribsə, bu o demək deyil ki, dörd divar arasında yaşamalıdır, dul qalmalıdır. Mən razı olmaram ki, 40-45 yaşına qədər ailəsini itirən adam ömrünü tək başa vursun. Biz “Qocalar Evi”nə gedəndə də bunun şahidi olmuşuq ki, övladlar valideynlərini atıb, kişi və qadın tək qaldığı üçün orada özlərinə bir həyat qurublar. Hətta onları  təbrik edib öz hədiyyələrimi vermişəm. Amma bütün bunlarla yanaşı, televiziyada olan evlilikləri qəbul etmirəm. Çünki 9 milyon qarşısında evlənmək olmaz. 

Qadınlardan yaş soruşmazlar, amma gəlin o ənənəni pozaq. Çünki Ağbirçəklər Şurasının sədri kimi çox cavansınız...

Başa düşdüm nəyi nəzərdə tutursunuz. Mənim 60 yaşım var. Bəlkə də işləmək insanı cavan saxlayır. Bunu çox adam mənə deyir.

– Yaşlıların vaxtlarını yaxşı keçirmələri üçün hansı planlarınız var?

– Ağbirçəklərə kiçik bir tədbir təşkil edəndə belə, onların sevinci daha böyük olub. Novruz bayramı ərəfəsində tədbir keçiriləndə biz onları da aparırıq, sanki onların ömrünə bir neçə il əlavə olunur. Xoş təəssüratla qayıdırlar. Bu da bizi sevindirir. Gələcəkdə də belə planlarımız olacaq.

– Deyirlər, insanlar 2 dəfə uşaq olur: bir doğulanda, bir də qocalanda. Yəqin ki, yaşlı ”uşaqların” şıltaqlıqları çox olur?

– Əlbəttə, bir-birlərinə o qədər oxşayırlar ki! Adi bir sözdən belə inciyirlər. Tədbirlər bir az gecikəndə deyirlər ki, deyəsən, yenə unudulduq. Onlar daim diqqət mərkəzində olmaq istəyirlər.

– Ağbirçəklər Şurasının sədri kimi Ağsaqqallar Şurasına təklifiniz varmı?

– Birgə iş aparılsa, daha yaxşı olar. Təəssüf ki, öz tədbirlərinə bizlərdən heç kim ora dəvət etmədilər. Təklif edirəm ki, ortaq, birgə çalışaq. Və sonda Fəttah Heydərovu da “Şöhrət” ordeni alması münasibəti illə də təbrik edirəm.







Ulduz İbrahimova
Şahanə Rəhimli

BU KATEQORİYADAN OLAN DİGƏR XƏBƏRLƏR
+ Arxiv
"Barselona"ya yeni prezident seçildi 8 mart 2021, 03:33 ÜST koronavirusla bağlı son statistikanı açıqladı 8 mart 2021, 01:00 Ekvatorial Qvineyada güclü partlayışlar - 20 ölü, 300 yaralı 8 mart 2021, 00:48 Türkiyə Səmərqənddə konsulluq açdı - FOTO 8 mart 2021, 00:39 Vətən müharibəsində ağır yaralanan əsgər 5 ay sonra şəhid oldu - FOTO 8 mart 2021, 00:25 Daha bir qazimiz ona qulluq edən tibb bacısı ilə evlənir 8 mart 2021, 00:12 Bu gün qadınlar bayramıdır 8 mart 2021, 00:00 Hücuma hazırlaşan PKK-çılar məhv edildi 7 mart 2021, 23:54 Roma Papasından qadınlarla bağlı çağırış 7 mart 2021, 23:42 Güclü külək Sumqayıtda liseyin daş hasarını uçurdu 7 mart 2021, 23:27 Milyarder deputat helikopter qəzasında öldü 7 mart 2021, 23:14 İlham Əliyevdən 8 Mart paylaşımı - FOTO 7 mart 2021, 23:00 Prezidentin ayaqqabısı narazılığa səbəb oldu – FOTO 7 mart 2021, 22:56 Mançester derbisinin qalibi məlum oldu 7 mart 2021, 22:42 Başına dəmir düşməsi nəticəsində ölən qadının kimliyi bilindi 7 mart 2021, 22:28 “Gürcü Arzusu”ndan qalmaqallı səs yazısı ilə bağlı bəyanat 7 mart 2021, 22:16 Polis İmişlidə quş əti satışını qadağan edib? - DİN-dən açıqlama 7 mart 2021, 22:02 Abşeronda maşın piyadanı vurub öldürdü 7 mart 2021, 21:49 Madrid komandaları sülh bağladı 7 mart 2021, 21:35 Messi oğlu ilə səs verdi 7 mart 2021, 21:25 Millimiz “Böyük dəbilqə”ni iki medalla başa vurdu 7 mart 2021, 21:13 Məhəmməd Salah "Liverpul"u tərk edir? 7 mart 2021, 21:05 Slovakiya koronavirusa yoluxanları Almaniya və Polşaya göndərir 7 mart 2021, 20:54 “Liverpul” öz meydanında autsayderə uduzdu 7 mart 2021, 20:40 Qənirə Paşayeva şəhid anası ilə görüşdü - FOTO 7 mart 2021, 20:33 Avstriyada “AstraZeneca” peyvəndindən istifadə dayandırıldı 7 mart 2021, 20:22 FHN əhaliyə müraciət etdi - VİDEO 7 mart 2021, 20:13 Bu rayonlara qar yağır - FAKTİKİ HAVA 7 mart 2021, 20:01 Dönərxanada dəm qazından zəhərlənmə - Ölən var 7 mart 2021, 18:04 Gürcüstanda qalmaqallı səsyazısı yayıldı - Baş nazirin  istefası tələb olunur 7 mart 2021, 17:51 İvanişvilinin iqamətgahı qarşısında polislə etirazçılar arasında qarşıdurma 7 mart 2021, 17:43 Atletimiz Qış Avropa çempionatında gümüş medal qazandı 7 mart 2021, 17:30 Yeni direktor Yaqub Mahmudovun otağını konfrans zalına çevirdi 7 mart 2021, 17:15 ABŞ-da COVİD-19-dan ölənlərin sayı açıqlandı 7 mart 2021, 17:00 Türkiyə ərazisinə qaçaq yolla keçən PKK mənsubu saxlanıldı 7 mart 2021, 16:49