Azərbaycan Milli Elmlər Akademiyasına yeni prezident aprelin 24-də seçiləcək. Modern.az bildirir ki, bu barədə “Media forum” saytına AMEA-nın akademik katibi Vaqif Fərzəliyev məlumat verib.
O, aprelin 24-də AMEA-nın ümumi yığıncağı keçiriləcəyini deyib: “Hələlik gündəlikdə əsas üç məsələ var: illik hesabatın dinlənməsi, prezidentin seçilməsi, Rəyasət Heyətinin yeni tərkibinin seçilməsi”. Vaqif Fərzəliyevin sözlərinə görə, hələlik prezidentliyə namizədliyini irəli sürən yoxdur.Qeyd edək ki, fevralın 9-da AMEA prezidenti akademik Mahmud Kərimov vəfat edib. Hazırda prezidentin səlahiyyətlərini vitse-prezident, Geologiya İnstitutunun direktoru akademik Akif Əlizadə icra edir.
Modern.az
