Modern.az

Ali məktəblərə və kolleclərə sənəd verən abituriyentlərin sayı açıqlandı

Ali məktəblərə və kolleclərə sənəd verən abituriyentlərin sayı açıqlandı

Aktual

1 May 2014, 10:34

2014-2015-ci tədris ili üçün ali məktəblərə və tam orta təhsil bazasından orta ixtisas təhsili müəssisələrinə sənəd qəbulu başa çatıb.

Tələbə Qəbulu üzrə Dövlət Komissiyasından Trend-ə verilən məlumata görə, ali məktəblərə və tam orta təhsil bazasından orta ixtisas təhsili müəssisələrinə keçiriləcək qəbul imtahanında iştirak üçün 97 307 abituriyent sənəd verərək ərizəsini təsdiqlədib. Həmin abituriyentlərin 88 549-u Azərbaycan, 8758-i isə rus bölməsinin abituriyentləridir.

Abituriyentlərin 35 555-i I, 23 473-ü II, 26 164-ü III, 12 115-i isə IV ixtisas qrupu üzrə keçiriləcək müsabiqədə iştirak üçün sənəd verib.

Ali və orta ixtisas məktəblərinə sənəd qəbulu aprelin 1-dən 30-dək davam edib. Ərizəsini təsdiqləməyən abituriyentlər qəbul imtahanlarında iştirak edə bilməzlər.

Qeyd edək ki, bu il əvvəlki illərin məzunları üçün qəbul imtahanları mayın 11 və 18-də keçiriləcək. Bu ilin məzunları üçün isə, yəni tam orta və orta ixtisas təhsili müəssisələrini 2014-cü ildə bitirənlər, həmçinin ali təhsil müəssisələrini bu il bitirib ikinci ali təhsil almaq istəyən şəxslər üçün qəbul imtahanları iyul ayında olacaq.

 

Modern.az  
Twitter
Sizə yeni tvit var
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi