Ermənistan ordusu daha bir hərbçi itirib.
Modern.az xəbər verir ki, bu barədə Müdafiə Nazirliyinin mətbuat xidmətinin rəhbəri Artsrun Ovannisyan “Facebook”da yazıb.
“Təəssüf ki, səhəri pis xəbərlə açırıq. Xidməti vəzifələrini yerinə yetirərkən N saylı hərbi hissəsinin hərbi qulluqçusu, sıravi-feldşer Hamlet Avaqyan (2000-ci il) vəfat edib”, Ovannisyan bildirib.
Avaqyanın Azərbaycan sərhəddə xidmət etdiyi, lakin hadisənin atışma ilə bağlı olmadığı xəbər verilir. Faktla bağlı araşdırma aparılır.
