Rossiyaga tegishli Mi-8 harbiy vertolyoti Kaliningrad viloyati yo'nalishidan Polsha havo hududiga kirdi.
Modern.az xabar berishicha, bu haqda Polsha Qurolli Kuchlarining Operativ qo'mondonligi ma'lumot tarqatdi. Qo'mondonlikning bildirishicha, vertolyot Polsha havo hududida 42 soniya qolgan va chegaradan taxminan 300 metr ichkariga kirgan.
Hodisaga javoban Polsha qiruvchi samolyotlari havoga ko'tarilgan, quruqlikda joylashgan mudofaa kuchlari shay holatga keltirilgan. Polsha tomoni insidentni Rossiyaning mamlakat havo hujumidan mudofaa tizimining tayyorligini tekshirishga urinishi deb baholadi.
Rossiyaning Varshavadagi elchixonasidan hodisa yuzasidan hozircha izoh berilmadi.
