“525-ci qəzet"in və Tərcümə Mərkəzinin Nərimanov rayonu Ş.Mustafayev küçəsində yerləşdiyi binada yanğın baş verib. Modern.az xəbər verir ki, yanğın binanın zirzəmisindən başlayıb. 525-ci qəzet-in və qol.az saytının redaksiya və müxbir heyəti binanı tərk ediblər. Hadisə yerinə yanğınsöndürən maşınlar çağırılıb. Qəzetin redaksiyasını tamamilə tüstü bürüyüb.
Zirzəmidə qısaqapanmadan yaranan yanğın artıq söndürülüb. “525-ci qəzet"in baş redaktor müavini Yusif Rzayev Modern.az-a deyib ki, hadisə ilə bağlı redaksiyaya heç bir ziyan dəyməyib.
