“Partiya daxilində Əli Kərimlinin prezidentliyə namizədliyi hələlik müzakirə olunmur”. Bu sözləri Modern.az saytına açıqlamasında AXCP sədrinin müavini Fuad Qəhrəmanlı partiya liderinin seçki planlarını şərh edərkən deyib.
“Bu, işlərin necə yerinə yetirilməsindən asılı olaraq, seçkilərlə bağlı qərarımız olacaq. İctimai Palata çərçivəsində seçkilərdə iştirakla bağlı yekun qərarın tətbiqi seçki ərəfəsində gözlənilir. Hələlik isə Əli Kərimlinin namizədliyi müzakirə predmeti deyil”-deyə F.Qəhrəmanlı qeyd edib.
F.Qəhrəmanlının sözlərinə görə, AXCP-də əsas prioritet məsələ demokratik seçki mühitinin yaradılması, müxalifətin daha geniş birliyinin koalisiyasının formalaşdırılmasıdır. Onun sözlərinə görə, partiyanın fəaliyyəti bu istiqamətdə müsbət nəticələr almağa yönəlib.
Aqşin Kərimov
