“Biz Bakı Ali Neft Məktəbinin (BANM) uğurlu təcrübəsindən yeni yaradılmış İnformasiya Texnologiyaları Universitetinin (İTU) quruculuğunda istifadə edcəyik”. Modern.az xəbər verir ki, bu sözləri Bakı Ali Neft Məktəbinin tələbələri ilə görüşdə rabitə və informasiya texnologiyaları naziri Əli Abbasov deyib.
Nazir qeyd edib ki, ölkənin inkişafı və gələcəyi onun savadlı gənc kadrlarından asılıdır. Ə. Abbasovun sözlərinə görə, İTU-nun yaradılmasının mühüm əhəmiyyət kəsb edən layihə olduğunu və bu ali təhsil müəssisəsinin quruculuğunda BANM-in uğurlu təcrübəsindən istifadə olunacağını vurğulayıb.
“Azərbaycanın ilk peykinin buraxılması iqtisadiyyatın şaxələndirilməsi, informasiya müstəqilliyinin və təhlükəsizliyinin təmin edilməsi, ölkəmizdə kosmik sənayenin inkişaf etdirilməsi və beynəlxalq kosmik məkana inteqrasiya istiqamətində mühüm addımdır. Bununla yanaşı, kommersiya xarakterli və gəlirli bir layihədir”, – deyə Ə. Abbasov əlavə edib.
Anar Kəlbiyev
