Arxiv
12 İyul 2019, 16:22 | REPORTAJ
“Cümhuriyyət medalı” alanlar Məhəmməd Əmin Rəsulzadənin abidə məsələsini qaldıracaqlar? - SORĞU

Ölkə başçısının sərəncamı ilə bir qrup media təmsilçisi və qeyri-hökumət təşkilatlarının nümayəndəsi Azərbaycan Xalq Cümhuriyyətinin 100 illiyi münasibətilə yubiley medalı ilə təltif olunub.

Bundan əvvəl isə Milli Məclisin deputatlarına da “Azərbaycan Xalq Cümhuriyyətinin 100 illiyi” medalı verilmişdi.

“Cümhuriyyət medalı” ilə təltif olunan şəxslərin adları ictimaiyyətə bəlli olandan sonra sosial şəbəkələrdə ciddi müzakirələr açılıb. Bu müzakirələrdə heç vaxt Cümhuriyyət qurucularının adını çəkiməyən və ya AXC-nin liderlərindən olmuş Məhəmməd Əmin Rəsulzadəyə mənfi münasibətilə seçilən şəxslər yubiley medalı aldıqlarına görə tənqid edilib, onların mükafatdan könüllü imtina etməli olduqları vurğulanıb.

Müzakirələrdə “Azərbaycan Xalq Cümhuriyyətinin 100 illiyi” medalı verilmiş şəxslərə Məhəmməd Əmin Rəsulzadəyə Bakıda abidə ucaldılması məsələsini qaldırmaq çağırışı da edilib.


Modern.az-ın əməkdaşı müzakirələrin davam etdiyini və məsələnin aktuallığını nəzərə alaraq, “Azərbaycan Xalq Cümhuriyyətinin 100 illiyi” medalı ilə təltif olunmuş bəzi şəxlərdən həmin çağırışa münasibət öyrənib.

Onlar Rəsilzadəyə Bakıda abidə qoyulması üçün məsələ qaldıracaqlarmı?

Milli Məclisin deputatı Naqif Həmzəyev:

“Müstəqil Azərbaycanımız Azərbaycan Xalq Cümhuriyyərinin varisidir. Cümhuriyyətimizin 100 illiyi təntənəli şəkildə qeyd olundu. Təbii ki, Cümhuriyyətimizin qurucularının xatirələri əbədiləşdirilməlidir. Bununla bağlı sərəncam da mövcuddur. Nəinki paytaxt Bakıda, gözəl şəhərimiz Gəncədə də “İstiqlal park”ı salınıb. Cümhuriyyətimizin yaradıcılarının abidəsinin ucaldılması fikrini mən də dəstəkləyirəm. Burda qeyri-adi bir şey yoxdur və bu layihələr inanıram ki, mütləq gerçəkləşdiriləcək”.

Deputat Cavid Osmanov:

“Məni bu məsələlərə qarışdırmayın. “Cümhuriyyət medalı”nı mənə cənab Prezident verib. Bizim fəaliyyətimizi dəyərləndirdiyi üçün Allah Prezidentimizin canını sağ eləsin. Bu təltif mənim üçün olduqca xoş oldu. Mən dövlətimizə, xalqımıza və mənsub olduğum Yeni Azərbaycan Partiyasına daim sədaqətlə qulluq edəcəm. Amma qeyd etdiyiniz mövzu mənim üçün maraqlı deyil, maraqlanmıram”.

Deputat Araz Əlizadə:

“Mən Modern.az saytı ilə işləmirəm, sizə açıqlama verməyəcəm”.


“Səs” qəzetinin baş redaktoru Bəhruz Quliyev:

“Mən medal alıb-almamağımdan aslı olmayaraq, bu məsələnin reallaşmasına müsbət yanaşıram. Cümhuriyyət dövründə nazirlikdən tutmuş müxtəlif ranqlı məmurlara qədər hər kəsin özünəməxsus xidmətləri olub.  Eyni zamanda,  Məhəmməd Əmin Rəsulzadənin də böyük xidmətləri olub. Onun tarixi fəaliyyəti heç vaxt, heç bir yerdə inkar oluna bilməz. Qeyd etmək istəyirəm ki, Cümhuriyyət dövrü Rəsulzadəylə bitmir. İndiki Müsavat Partiyası iddia edir ki, bunlar o dövr Müsavatın varisləridir. Ümumiyyətlə demək istəyirəm ki, bu Müsavatla o Müsavat arasında heç bir tarixi, siyasi, ideoloji bağlılıq yoxdur. Azərbaycan Respublikasının Konstitusiyasında Heydər Əliyevin təşəbbüsü ilə qeyd edilib ki, müstəqil Azərbaycan Respublikası Azərbaycan Xalq Cümhuriyyətinin varisidir. Deməli biz tariximizi yaşatmalı, tarixi şəxsiyyətlərimizin abidələrinin ucaldılması üçün işlər görməliyik”.

“Olaylar” qəzetinin baş redaktoru Yunus Oğuz:


“Biz əslində zamanla məsələnin qaldırılması üçün səy göstərmişik. Ümumiyyətlə,  tək Məhəmməd Əmin Rəsulzadə deyil, Cümhuriyyətin yaradılmasında səy göstərmiş şəxsiyyətlərin - Əlimərdan bəy Topçubaşovun, Həsən bəy Zərdabinin və digərlərinin də abidələri ucaldılmalıdı. Zərdabi Cümhuriyyətin yaradıcısı olmasa da, bu fikrin əsasını qoyan şəxs olub. Bu şəxsiyyətlərin hamısının adlarının əbədiləşdirilməsi lazımdır. Sadəcə, heykəl ucaltmaq deyil, adları yararsız olan neçə-neçə küçələrimiz var ki, onlara Rəsulzadə və digər cümhuriyyətçilərin adları verilsə, daha yaxşı olar. Biz, siz və digər media qurumlarının da vəzifəsi bu kimi məsələləri işıqlandırmaqdır”.

 “Bakı Xəbər” qəzetinin baş redaktoru Aydın Quliyev:

“Çox yaxşı haldır ki, Cümhuriyyət rəhbərlərinin irsinə, xatirəsinə hörmət dövlət siyasəti səviyyəsində aparılır. Yəni 20-30 əvvəl bu ictimai səviyyədə, müəyyən siyasi təşkilatların tərəfində aparılırdısa, bu gün Cümhuriyyətin tarixinin yaşadılması dövlət siyasəti səviyyəsində aparılır. Dövlət siyasəti səviyyəsində aparılması dedikdə medalların verilməsindən tutmuş, Cümhuriyyət qurucularının abidlərinin ucaldılmasına qədər hər şeyi nəzərdə tuturam. Xüsusilə qeyd etmək istəyirəm ki, Məhəmməd Əmin Rəsulzadəyə şəhərimizdə abidə ucaldılması çox önəmli məsələdir. Mən düşünürəm ki, abidələrin ucaldılması məsələsi də çox yaxın zamanlarda öz həllini tapacaq. Bu bizdən aslı bir şey deyil, lakin biz media qurumları olaraq məsələnin reallaşması üçün yazılarımızda və çıxışlarımızda bunu xüsusi vurğulamalıyıq. Və mən əminəm ki, cənab Prezidentimiz İlham Əliyev bu məsələnin gerçəkləşməsinə xüsusi diqqət ayıracaq”.


“Xalq Cəbhəsi” qəzetinin baş redaktoru Elçin Mirzəbəyli:

“Cümhuriyyətin 100 illiyi yüksək səviyyədə qeyd olundu. Əslində 2018-ci ilin respublikamızda “Cümhuriyyət ili” kimi qeyd edilməsi Cümhuriyyətin qurucularının şərəfinə keçirilmiş yüksək səviyyəli tədbirlərdən biri idi. Bu baxımdan düşünürəm ki, Cümhuriyyət qurucularının xatirələrinin əbədiləşdirilməsi layiqincə yerinə yetirilir. O ki, qaldı Məhəmməd Əmin Rəsulzadənin xatirəsinə abidənin ucaldılmasına, düşünürəm ki, bu məsələ də yaxın zamanlarda öz həllini tapacaq”.

 

Nuranə DAXİLQIZI

BU KATEQORİYADAN OLAN DİGƏR XƏBƏRLƏR
+ Arxiv
Lütfi Zadənin 100 illiyi qeyd ediləcək - SƏRƏNCAM 25 Yanvar 2021, 18:48 “BakuBus” Azərbaycan İnvestisiya Holdinqinin idarəetməsinə verildi 25 Yanvar 2021, 18:40 Azərbaycanda yoluxma 100-dən aşağı düşdü - 11 nəfər öldü 25 Yanvar 2021, 18:32 Gömrükdə 21 kq narkotik aşkarlandı - VİDEO 25 Yanvar 2021, 18:14 Ərzaq mağazasında yararsız məhsullar aşkarlandı 25 Yanvar 2021, 18:05 250 qırqovul vəhşi təbiətə buraxıldı 25 Yanvar 2021, 17:58 Baş Prokurorluq gəmiyə edilən hücumla bağlı məlumat yaydı 25 Yanvar 2021, 17:52 Ombudsmanın nümayəndəsi həbsdəki jurnalistlə görüşdü 25 Yanvar 2021, 17:46 İstanbulda İNSİDENT: 3 Rusiya vətəndaşı bıçaqlandı 25 Yanvar 2021, 17:40 Qafqazda yeni nizamın arxitektoru: Azərbaycan - TƏHLİL 25 Yanvar 2021, 17:35 Putin Davos forumunda bu tarixdə çıxış edəcək – AÇIQLAMA 25 Yanvar 2021, 17:29 MEDIA silsilə təbirlərə başladı - Hikmət Hacıyev ustad dərsi verdi 25 Yanvar 2021, 17:23 Milli Qəhrəmanın qızı Milli Məclisə gəldi 25 Yanvar 2021, 17:17 Ceyhun Bayramov - Cavad Zərif görüşünün təfərrüatları AÇIQLANDI 25 Yanvar 2021, 17:11 “Azərişıq” və “Azəriqaz” arasında memorandum imzalandı 25 Yanvar 2021, 17:05 Füzulinin Kürdlər kəndi - VİDEO 25 Yanvar 2021, 17:00 Gənc ailələrin sosial vəziyyəti müzakirə olunacaq 25 Yanvar 2021, 16:54 Co Baydenin Administrasiyası Azərbaycanda hansı partiyanı tanıyır... 25 Yanvar 2021, 16:48 Bayraq sancarkən şəhid olan bölük komandiri - FOTOLAR 25 Yanvar 2021, 16:43 ABŞ səfiri Rusiya Xarici İşlər Nazirliyinə çağırıldı 25 Yanvar 2021, 16:38 Bu səfər o qədər də Zərif deyil... - ŞƏRH 25 Yanvar 2021, 16:32 Şəhid ailələri və qazilər 5 ilə mənzillə təmin olunacaqlar - RƏSMİ 25 Yanvar 2021, 16:29 “Böyük İyirmilik” sammiti Azərbaycana  yeni investisiya imkanları yaradacaq 25 Yanvar 2021, 16:23 Fərman İsmayılovun cənazəsi Bakıya göndərilir - FOTO 25 Yanvar 2021, 16:17 Nazirlikdən qar uçqunu ilə bağlı əhaliyə müraciət - VİDEO 25 Yanvar 2021, 16:11 Putinə gizli sarayı ilə bağlı sual verildi: “Mənə məxsus deyil” 25 Yanvar 2021, 16:05 Rəsmi Bakı rusiyalı deputatın adını “qara siyahı”ya saldı 25 Yanvar 2021, 16:04 AŞPA erməni deputatların diversant-terrorçularla bağlı təklifini rədd etdi 25 Yanvar 2021, 15:58 İranın nüvə proqramı təhlükədirmi?.. - TƏHLİL 25 Yanvar 2021, 15:52 Mehriban Əliyeva yenidən Gimnastika Federasiyasının prezidenti seçildi 25 Yanvar 2021, 15:47 30 prokurorluq işçisi CƏZALANDIRILIB 25 Yanvar 2021, 15:42 Lavrovla Zərif Qarabağı müzakirə edəcək 25 Yanvar 2021, 15:36 Türkiyədə 80 yaşdan yuxarı şəxslərin vaksinasiyasına başlanıldı 25 Yanvar 2021, 15:30 AŞPA-ya yeni prezident seçildi 25 Yanvar 2021, 15:25 SOCAR-ın maliyyə işlərini nəzarətdə saxlamağa ehtiyac var - Deputat 25 Yanvar 2021, 15:21