Şimali Koreya ABŞ və Cənubi Koreyanın birgə hərbi təlimləri fonunda raket sınaqlarını davam etdirir.
Modern.az xarici KİV-ə istinadən xəbər verir ki, rəsmi Pxenyan buna qədər hərbi təlimlərin ləğvini tələb edirdi.
Avqusutun 10-u gecə Şimali Koreya daha 2 raket sınağı həyata keçirib. Ölkənin şərqində yerləşən Xamxın şəhərindən atılan raketlər Yapon dənizinə düşüb. Cənubi Koreya mətbuatı ballistik raketlərin KN-23 tipli olduğunu düşünür. Sınaqlar Donald Tramp və Kim Çen In arasında Sinqapur və Vyetnamda əldə olunmuş razılaşmaların faktiki olaraq pozulduğunu göstərir.