Bakıda yük maşınında yaranan problem yolda sıxlığa səbəb olub.
Bu barədə Modern.az-a Bakı Nəqliyyat Agentliyindən (BNA) məlumat veriblər. Belə ki, Heydər Əliyev prospektində (Bağırov körpüsünün üzərində - “Koroğlu” m/st. istiqamətində) yanacaqdaşıyan avtomobildə texniki nasazlıq yaranıb.
Bu səbəbdən də Heydər Əliyev prospekti, kənar yol şəhər istiqamətində və yol ötürücüsünün üzərində nəqliyyat vasitələrinin hərəkətində çətinlik yaranıb, sıxlıq müşahidə olunur.
