“Onilliklər öncə, orta məktəbin ibtidai sinfində oxuyan zaman Mayakovskinin indi də unutmadığım belə bir şeirini (deyəsən Rəsul Rzanın tərcüməsində) hansısa məktəb tədbirində deklomasiya demək üçün əzbərləmişdim”.
Modern.az-ın məlumatına görə, bu fikirləri Azərbaycanın Macarıstandakı səfiri, tənqidçi, ədəbiyyatşünas, tərcüməçi Vilayət Quliyev bildirib.
V.Quliyev yaddaşında qalmış şeir parçasını diqqətə çatdıraraq deyib:
Gələcək heç zaman gəlməyəcəkdir,
Onu gətirəcək yalnız insanlar!
Komsomol, tut onun qulağından,
Pioner, tut onun quyruğundan!
O zaman mənə gülməli görünmüşdü. Amma bir qədər ekstravaqant ifadə tərzinə baxmayaraq yüzdə yüz həqiqətdir - gələcək özü gəlmir, onu insanlar gətirir: yaxşısını da, pisini də! Qulağından tutmağa komsomolumuz, quyruğundan yapışmağa pionerimiz olmasa da, gərək xalqımıza, insanımıza yaxşı gələcək gətirmək üçün yorulmadan çalışıb-vuruşaq!”