Tovuzda baş verən ağır avtoqəza nəticəsində xəsarət alan şəxslərdən daha biri dünyasını dəyişib.
Modern.az APA-ya istinadən xəbər verir ki, xəsarətləri ağır olan 1997-ci il təvəllüdlü Ağayev Qədim Nüsrət oğlu xəstəxanada keçinib.
***
Tovuz rayonunda ağır yol-nəqliyyat hadisəsi baş verib.
Modern.az "Report"a istinadla xəbər verir ki, hadisə rayonun Yuxarı Öysüzlü kəndi ərazisində qeydə alınıb.
Belə ki, VAZ markalı avtomobil hərəkətdə olarkən sərnişin mikroavtobusu ilə toqquşub.
Hadisə nəticəsində Qarayev İsmət Şükür oğlu ölüb, Ağayev Qədim Nüsrət oğlu (1997) və Məmmədova Sunay Məqsəd qızı (2005) xəsarət alıb.
