Hindistanda keçən əlverişsiz hava şəraiti minlərlə insanın həyatına son qoyub.
Modern.az xarici mediaya istinadən xəbər verir ki, cari ilin musson mövsümündə əlverişsiz havalar səbəbindən 2391 nəfər ölüb. Daha 800 mindən artıq yaşayış evi zədələnib.
“Ştatlar və müttəfiq bölgələrdən əldə etdiyimiz məlumatlara görə, daşqınlar, leysan yağışları, torpaq sürüşmələri nəticəsində 2391 nəfər və 15729 baş iri mal-qara ölüb, 800067 ev zədələnib, 6,4 milyon hektar əkin sahəsinə ziyan dəyib” - deyə Hindistanın dövlət naziri Şri Nityanand Rai bildirib.