Modern.az

Vergi gəlirləri aşağı olan ŞƏHƏR və RAYONLAR...

Vergi gəlirləri aşağı olan ŞƏHƏR və RAYONLAR...

22 Noyabr 2019, 11:32

İqtisadçı Rövşən Ağayev 2020-ci ildə vergi gəlirlərinin adambaşına düşən məbləğinə (proqnoz) görə ən yüksək və ən aşağı göstəriciyə malik rayon və şəhərlərin siyahısını açıqlayıb.

 

Modern.az-ın məlumatına görə, ekspert ölkə üzrə orta göstəricinin isə 792 manat təşkil etdiyini bildirib:

 

“Vergilər Nazirliyinin xəttilə toplanması nəzərdə tutulan büdcə gəlirlərinin ümumi məbləği 7.875 mlrd. manat proqnozlaşdırılır ki, ondan 840 mln. manatı Bakı istisna olmaqla bütün bölgələrin hesabına təmin ediləcək.

Bölgələrin əksəriyyəti üzrə bu göstərici 70-120 manat intervalında dəyişir.
Hökumət belə bir rəqəm açıqlaya bilərmi ki, gələn hər bölgə üzrə (Bakıdan kənar) orta hesabla nə qədər büdcə vəsaiti xərclənəcək? Bu rəqəmlər də açıq olandan sonra "dotasiyalı bölgə" və "dotasiyasız bölgə" anlayışı ətrafında rahat müzakirə açmaq olar.
Doğrudanmı adambaşına büdcə gəlirləri 100-150 manatı ötməyən bölgələr dotasiyasız bölgələrdir? Söhbət bizim hüquqi şərtləri hesabına formal da olsa bu statusu qazanmaqdan getmir. Real, yəni gerçəkdən öz maliyyə potensialı hesabına öz ərazisinin real ehtiyaclarını qarşılama səviyyəsindən gedir”.

 

Ekspert vergi gəlirlərinin adambaşına düşən məbləğinə (proqnoz) görə ən yüksək və ən aşağı göstəriciyə malik rayon və şəhərləri aşağıdakı kimi sıralayıb:

 

Ən aşağı göstərici

 

  1. 1. Lerik - 33 manat
    2. Cəlilabad - 40 manat
    3. Yardımlı - 41 manat
    4. Masallı - 49 manat
    5. Goranboy - 53 manat
    6. Ucar - 56 manat
    7. Zərdab -56 manat
    8. Tərtər - 56 manat
    9. Ağdaş - 58 manat
    10. Balakən - 58 manat

 

Ən yüksək göstərici

  1. 1. Bakı - 3100 manat (neft sektoru sayılmasa 2100 manat)
    2. Naftalan - 513 manat
    3. Sumqayıt - 375 manat
    4. Şirvan - 266 manat
    5. Mingəçevir - 256 manat
    6. Abşeron - 247 manat
    7. İmişli - 214 manat
    8. Naxçıvan MR- 205 manat
    9. Qəbələ -199 manat
    10. Göygöl - 192 manat
Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir