Arxiv
15 Dekabr 2019, 12:04 | DİASPOR
Səxavət Məmmədovun Amerikadakı YADİGARI

Azərbaycan ifaçılıq sənətinin zirvəsində yer alan xanəndələrdən biri də Səxavət Məmmədov idi. Cəmi otuz yeddi il yaşasa da sənəti ilə ölməzlik qazanan sənətkarlardan biri oldu. İyirmi səkkiz ildir ki, aramızda yoxdur. Fəqət adı bu gün də ehtiramla çəkilir, ruhuna rəhmət oxunur. Səsində, avazında yaşayan bu sənətkarın xalq tərəfindən dəyəri verilsə belə, hələ də dövlət tərəfindən heç bir təltifi olmayıb. Təcrübədə vəfatından sonra müxtəlif fəxri adlarla, orden və medallarla təltif olunan mərhumlar az olmayıb. İnanıram ki, nə vaxtsa ölkə rəhbəri Səxavət Məmmədovu sağlığında haqq etdiyi “Azərbaycanın xalq artisti” fəxri adına layiq görəcək...


Bəli, bu gün sizə xalqımızın sevimli oğlu, ustad sənətkar Səxavət Məmmədovun yadigarlarından biri- ABŞ-ın Merilənd ştatında yaşayan Bəxtiyar Məmmədovdan söhbət açmaq istəyirəm.
Çox istedadlı, bacarıqlı, iradəli insandır. Səkkiz yaşından AzTv-də yayımlanan “Sehirli güzgü” verilişində aparıcılıq edib. Bir müddət sonra “Məktəblilərin Tusi klubu” verilişini aparıb. 1992-ci ildən 2002-ci ilədək UNİCEF-in xətti ilə hər ilin dekabr ayında ölkəmizdə keçirilən Uşaqların Televiziya və Radio Gününə həsr olunmuş altı saatlıq canlı televiziya verilişinin iki aparıcısından biri olub. Yeri gəlmişkən, həmin verilişdə ölkə rəhbəri şəxsən iştirak edirdi. Bundan əlavə o, məşhur “Yuxu” bədii filmində aktyorluq da edib, Bədəl roluna çəkilib...


Bəxtiyar 1984-cü ildə Mingəçevir şəhərində dünyaya gəlib. Bir yaşı olanda Bakıya köçüblər. Orta təhsilini 1991-ci ildə 52 saylı orta məktəbdə başlasa da, 2001-ci ildə 43 saylı litseyi fərqlənmə attestatı ilə başa vurub. Yüksək balla BDU-nun Beynəlxalq Hüquq və Beynəlxalq Münasibətlər fakültəsinin Beynəlxalq hüquq ixtisasına qəbul olunub. 2005-ci ildə oranı bitirdikdən sonra Böyük Britaniyadakı London Diplomatiya Akademiyasının magistraturasında təhsilini davam etdirib. 2006-cı ildə Diplomatiya Elmləri Magistri dərəcəsini alaraq, vətənə dönüb. 2008-ci ildək BDU-da Beynəlxalq Hüquq ixtisası üzrə təhsil alıb və daha bir magistr diplomuna yiyələnib.
2007-ci ildə test imtahanlarından uğur qazanaraq, Xarici İşlər Nazirliyində referent kimi əmək fəaliyyətinə başlayıb. Bir il sonra yenidən imtahan verərək diplomatik ataşe ranqına yüksəlib. 2010-cu ilin sentyabrınadək nazirliyin 2-ci ərazi idarəsində diplomatik ateşe vəzifəsində çalışıb. 2010-2013-cü illərdə Azərbaycan Respublikasının Argentinadakı səfirliyinin konsulluq məsələləri üzrə 3-cü katibi olub. 2013-2015-ci illərdə XİN-in Yaxın Şərq və Afrika ölkələri idarəsində 2-ci katib işləyib. 2015-2018-ci illərdə Azərbaycanın İtalyadakı səfirliyində konsulluq məsələləri üzrə 2-ci katib vəzifəsində çalışıb. 2018-ci ildən Amerikada yaşayır...


...Ömür-gün yoldaşı Səkinə xanım Məmmədova ixtisasca tarixçidir. İki övladı var. Oğlu Cüneyd 8, qızı Eskinaz 5 yaşındadırlar...


Bəxtiyar ABŞ-a rahat yaşamaq, var-dövlət sahibi olmaq eşqi ilə gəlməyib. O, buraya təhsilini davam etdirmək, daha mükəmməl savada yiyələnmək üçün üz tutub. Hazırda Vaşinqton Universitetində növbəti magistr (MBA üzrə) təhsilini alır. 2021-ci ildə oranı bitirib, sənədlərini doktoranturaya təqdim etməyi planlaşdırır...


Arzuları çoxdur. Qarabağın işğaldan azad olunması, övladlarını cəmiyyətə yararlı insan kimi yetişdirməsi onun ən böyük arzularındandır. Daha böyük nailiyyətlər qazanıb, ətrafına yardım etmək, ehtiyacı olanlara əl tutmaq istəyir. Musiqini çox sevir. Pianoda, tarda ifa etməkdən yorulmur. Səyahət etməyi, müxtəlif ölkələrin muzeylərində olmağı xoşlayır...


Deyir ki,- “Harada olsam da özümü Azərbaycanın bir zərrəsi hesab edirəm. Mənim üçün vətənim dünyanın ən gözəl məkanıdır. Qoy, xalqımın başı həmişə uca olsun!”...

Elman Eldaroğlu,
[email protected]

BU KATEQORİYADAN OLAN DİGƏR XƏBƏRLƏR
+ Arxiv
100 yaşlı şair öz yubileyinə qatıldı - “Bu yaşıma baxmayaraq idman edirəm” 17 Yanvar 2020, 16:58 Rüstəm Xəlilov kənd sakinləri ilə görüşüb - FOTO   17 Yanvar 2020, 16:55 Bakı polisində yeni rəis TƏYİNATI 17 Yanvar 2020, 16:48 Dünya lideriləri Liviya üçün Berlinə TOPLAŞIR 17 Yanvar 2020, 16:43 “Hələ də uşağın başqasından olduğunu zənn edənlər var” - ginekoloq 17 Yanvar 2020, 16:38 Beynəlxalq müşahidəçilərin sayı artır 17 Yanvar 2020, 16:32 Nazir Kamran Əliyevi əvvəlki işinə qaytardı - Rüfət Quliyevə isə yüksək vəzifə verildi 17 Yanvar 2020, 16:26 ELDAR QULİYEV – MƏNİM MİLLƏT VƏKİLİM 17 Yanvar 2020, 16:20 UNEC-də 20 Yanvar şəhidləri anıldı 17 Yanvar 2020, 16:14 Yol polisi Qubada gücləndirilmiş rejimdə çalışır 17 Yanvar 2020, 16:07 Çingiz Qənizadə görüşlərini davam etdirir - Fotolar 17 Yanvar 2020, 16:03 Məktəbi daha tez bitirmək istəyən 16 şagird imtahan verdi 17 Yanvar 2020, 16:02 BMU-da 20 Yanvar faciəsinin 30-cu ildönümü qeyd olunub 17 Yanvar 2020, 15:56 Rövzət Qasımovdan deputatlığa namizədlərə MÜRACİƏT 17 Yanvar 2020, 15:50 Hansı kafe-restoranlarda yemək yeyək? - Diqqətli olun! 17 Yanvar 2020, 15:45 “Nar” 4,5 G baza stansiyalarının sayını 60% artırıb 17 Yanvar 2020, 15:38 Ermənistanda daha bir eks-nazir müəmmalı şəkildə ÖLDÜ 17 Yanvar 2020, 15:32 MSK DSK-nın qərarını ləğv edib 17 Yanvar 2020, 15:26 İdarə rəisi: “Bakıda 57 cinayətkar qrup ifşa olunub” 17 Yanvar 2020, 15:20 Ceyhun Bayramov olimpiada qalibləri ilə görüşdü - Fotolar 17 Yanvar 2020, 15:13 Yeni və sabiq baş nazirlər təkbətək görüş keçirdilər 17 Yanvar 2020, 15:07 Ülvi Quliyev təbliğat və təşviqat kampaniyasına start verdi - FOTOLAR 17 Yanvar 2020, 15:04 Lənkəranın Osakücə kəndində səyyar qəbul keçirilib - FOTO 17 Yanvar 2020, 15:01 Məzahir Pənahovdan deputatlığa namizədlərə ÇAĞIRIŞ 17 Yanvar 2020, 14:56 Xaricdəki Azərbaycan evlərinin sayı artır 17 Yanvar 2020, 14:50 Prezident Administrasiyasının məsul işçiləri Daşkəsəndə vətəndaşları qəbul ediblər - FOTO 17 Yanvar 2020, 14:45 MSK jurnalistin namizədliyini qeydə almaqdan İMTİNA ETDİ 17 Yanvar 2020, 14:40 Dönər satışına nəzarət edəcək qurum YARADILIR 17 Yanvar 2020, 14:33 YAP Daşkəsən rayon təşkilatı təbliğat-təşviqat kampaniyasına start verib 17 Yanvar 2020, 14:30 Bakıda bəzi avtobusların marşrut xətti dəyişdirilir - SİYAHI 17 Yanvar 2020, 14:26 Baş nazir və spikeri güllələyən şəxs Paşinyana YAZDI 17 Yanvar 2020, 14:20 Zakir Həsənov Anjey Kaspşik ilə təmas xəttindəki vəziyyəti müzakirə etdi 17 Yanvar 2020, 14:14 Gürcüstanda Azərbaycan vətəndaşı həbs olundu 17 Yanvar 2020, 14:09 YAP ödənişsiz efir vaxtından İMTİNA ETDİ 17 Yanvar 2020, 14:03 Cinayət törətməkdə şübhəli bilinən 47 nəfər SAXLANILDI 17 Yanvar 2020, 13:57
SORĞU Yeni parlamentdə kimlər olsun?