Arxiv
26 Fevral 2020, 15:54 | AKTUAL
Xocalı soyqırımının günahkarları öz cəzalarına çatacaqlar - Əhəd Abıyev

Fevralın 26-da Daşkəsən Rayon İcra Hakimiyyətinin akt zalında Xocalı soyqırımının 28-ci ildönümünə həsr edilmiş yığıncaq keçirilib. Əvvəlcə yığıncaq iştirakçıları faciə qurbanlarının və ölkəmizin ərazi bütövlüyü uğrunda canından keçmiş vətən övladlarının xatirəsini  bir dəqiqəlik sükutla yad ediblər.

 

Modern.az xəbər verir ki, Daşkəsən Rayon İcra Hakimiyyətinin başçısı Əhəd Abıyev yığıncaqda çıxış edərək Xocalı faciəsinin mahiyyətindən bəhs edən dərin məzmunlu nitq söyləyib. O, çıxışında deyib:

 

"28 il əvvəl – 1992-ci ilin fevralın 25-dən 26-na keçən gecə erməni təcavüzkarları Azərbaycanın Xocalı şəhərində bəşəriyyət tarixində ən qanlı faciələrlə bir sırada duran soyqırım törədiblər. Xocalı faciəsi 20-ci əsrin ən dəhşətli soyqırım hadisəsi və beynəlxalq cinayət kimi təsdiq olunub. Bu soyqırım zamanı Azərbaycan xalqı minlərlə şəhid verib.

Gəlin  Xocalı şəhidlərinin, o cümlədən torpaqlarımızın ərazi bütövlüyü uğrunda canlarından keçən qəhrəman övladlarının əziz xatirəsi bir dəqiqəlik sükutla yad edək.

Xocalı soyqırımı zamanı bir neçə saat ərzində 613 nəfər soydaşımız, o cümlədən 106 nəfər qadın, 63 azyaşlı uşaq, 70 qoca xüsusi qəddarlıqla, görünməmiş amansızlıqla qətlə yetirilib, meyitlər üzərində təhqiredici hərəkətlərə yol verilib.  1000 nəfər müxtəlif yaşlı dinc sakin aldığı güllə yarasından əlil olub.

8 ailə tamamilə məhv edilib, 25 uşaq hər iki valideynini, 130 nəfər valideynlərindən birini itirib. Faciə baş verən gecə 1275 nəfər dinc sakin girov götürülüb, onların 150-nin taleyi hələ də məlum deyildir.

 

Ölkə Prezidenti, Silahlı Qüvvələrin Ali Baş Komandanı cənab İlham Əliyevin apardığı uğurlu xarici siyasət sayəsində Xocalı həqiqətlərinin dünyaya çatdırılması hazırda Azərbaycanın xarici siyasətinin əsas istiqamətlərindən biri kimi müəyyənləşdirilib. Artıq dünyada Xocalı soyqırımını tanıyan və pisləyən dövlətlərin sayı ildən-ilə artır.

 

Bütün beynəlxalq hüquq normalarına zidd olaraq Ermənistan dövləti Dağlıq Qarabağı özünə birləşdirmək istəyir, bu yolda bütün cinayət və vəhşiliyə hazır olduqlarını bu gün də nümayiş etdirirlər.

 

Fevralın 15-də dünya şöhrətli Prezidentimiz cənab İlham Əliyev və Ermənistanın baş naziri Nikol Paşinyan 56-cı Münhen Təhlükəsizlik Konfransı çərçivəsində Dağlıq Qarabağla bağlı mövqelərini beynəlxalq ictimaiyyət qarşısında bildirdilər.

 

Prezident cənab İlham Əliyev tərəfindən konfransda səsləndirilən danılmaz tarixi həqiqətlər, təqdim edilən tutarlı faktlar və dəlillər qarşısında Nikol Paşinyan aciz durumda qaldı. Möhtərəm Prezident cənab İlham Əliyev Ermənistan rəhbərinə  növbəti dəfə tarix və hüquq  dərsi keçdi. Dünya şöhrətli Prezidentimizin hər bir sözü, cümləsi Paşinyana endirilən ağır zərbələr idi.

 

Prezident cənab İlham Əliyev Ermənistanın ölkəmizə qarşı törətdiyi soyqırımları, Xocalı faciəsini, digər işğalçılıq və vandalizm faktlarını bir-bir tərs şillə kimi Paşinyanın üzünə vurdu, tarixi baxımdan olduğu kimi, siyasi baxımdan da Dağlıq Qarabağ münaqişəsinin mahiyyətinə və hüquqi statusuna dair tam həqiqətə söykənən, obyektiv elmi-siyasi fikirlər irəli sürərək Nikol Paşinyanın  əsassız müddəalarını özünün əsaslı dəlil-sübutları ilə bütün dünyanın gözü qarşısında darmadağın etdi. Bir daha da Dağlıq Qarabağın Azərbaycanın ayrılmaz tərkib hissəsi olduğunu və Azərbaycan xalqının öz haqlı mövqeyindən heç zaman, əbədi olaraq geri çəkilməyəcəyini bəyan elədi.

 

Milyonlarla həmvətənlərimiz kimi biz daşkəsənlilər də Ermənistan-Azərbaycan Dağlıq Qarabağ münaqişəsinin həllini ulu öndər Heydər Əliyev siyasətinin müdrikliyində və həmin siyasi kursu layiqincə davam etdirən ölkə başçısı çox hörmətli cənab İlham Əliyevin məqsədyönlü fəaliyyətində görürük. İnanırıq  ki, Xocalı soyqırımının günahkarları öz cəzalarına çatacaqlar. Çünki bu dəhşətli faciə və cinayət əməli cəzasız qala bilməz.

 

Allah bütün şəhidlərimizə rəhmət eləsin, ruhları şad olsun!"

 

Yığıncaqda çıxış edən Daşkəsən Rayon Məhkəməsinin hakimi Azad Əliyev bildirib ki, Azərbaycan tarixinə ən dəhşətli və faciəli səhifələrdən biri kimi daxil olan Xocalı soyqırımı təkcə xalqımıza yox, bütün bəşəriyyətə qarşı törədilən ən qəddar cinayətlər siyahısında yer alır. Bu faciə həm də əsrlər boyu ermənilərin xalqımıza qarşı törətdikləri soyqırımların daha bir dəhşətli təzahürüdür.

 

Daşkəsən Rayon Prokuroru Maarif Hüseynov Xocalı qətliyamının tarixindən, xalqımızın başına gətirilən müsibətlərdən və bu faciənin dünya ictimaiyyətinin diqqətinə çatdırılmasında birgə səylərin göstərilməsinin vacibliyindən danışıb.

 

Daşkəsən Rayon Polis Şöbəsinin rəisi, polis polkovnik-leytenantı Azay Ağayev çıxışında bildirib ki, Prezident cənab İlham Əliyevin apardığı məqsədyönlü siyasət sayəsində torpaqlarımız işğalçılardan təmizlənəcək, cinayətkarlar layiqli cəzalarını alacaqlar.

 

YAP Daşkəsən rayon təşkilatının sədri Meydanəli Yolçuyev diqqətə çatdırıb ki, Xocalı faciəsi öz həqiqi siyasi qiymətini yalnız ulu öndərimiz Heydər Əliyevin hakimiyyətə qayıdışından sonra alıb.

 

“Daşkəsən Filizsaflaşdırma” ASC-nin məsul işçisi Mərdan Əliyev isə Xocalı faciəsi qurbanlarının qanının yerdə qalmayacağını vurğulayıb.

 

Çıxış edən YAP Daşkəsən rayon təşkilatının Gənclər birliyinin sədri Kənan Bayramov Xocalı  işğalı zamanı dinc əhaliyə qarşı törədilmiş genişmiqyaslı qanlı hərbi cinayət barədə məlumat verib. O, vurğulayıb ki, tariximizin qan yaddaşına əbədi həkk olunan Xocalı faciəsini xalqımız heç zaman unutmayacaq.

BU KATEQORİYADAN OLAN DİGƏR XƏBƏRLƏR
+ Arxiv
Koronavirusa yoluxan keçmiş Baş Nazir öldü 5 Aprel 2020, 19:07 “Təcili tədbir görülməsə, yoluxmalar daha da artacaq!” - Karantin həkimindən HƏYACAN TƏBİLİ 5 Aprel 2020, 18:40 Koronavirus Bakı küçələrini boş qoyub - FOTOLAR 5 Aprel 2020, 18:04 Çində koronavirusun ikinci dalğası başladı – KARANTİN 5 Aprel 2020, 17:47 Bu ölkə məscidləri bağlayır - Fətva verildi 5 Aprel 2020, 17:41 ASAN-dan tövsiyə: SMS müraciətlərini  1 saat öncədən həyata keçirsinlər 5 Aprel 2020, 17:39 Hollandiyada bir gündə 1224 nəfər koronavirusa yoluxub, 115-i ölüb 5 Aprel 2020, 17:24 Türkiyə vaksinin ilk sınağını keçirdi  5 Aprel 2020, 17:10 Şəkidə icazəsiz hərəkət edənlər barəsində qanunauyğun tədbirlər görülüb 5 Aprel 2020, 17:02 Mingəçevirdə qaydaları pozan 12 nəfər cərimələnib 5 Aprel 2020, 16:58 “Relax”da karantin müddətini başa vuran 197 nəfər evə buraxılıb - VİDEO 5 Aprel 2020, 16:44 Portuqaliyada daha 754 nəfər koronavirusa yoluxub 5 Aprel 2020, 16:44 FHN koronavirusla mübarizə üçün çağırış edib - VİDEO 5 Aprel 2020, 16:35 Bu ölkədə də koronavirus aşkarlandı 5 Aprel 2020, 16:34 Britaniyalılar hakimiyyətin çağırışına məhəl qoymayaraq gəzintiyə çıxıb 5 Aprel 2020, 16:22 Qubada 18 yaşlı oğlan yanaraq ölüb 5 Aprel 2020, 16:12 Bakıda icazə olmadan hərəkət edən şəxslər barədə tədbirlər görülüb 5 Aprel 2020, 15:58 İmişlidə karantin rejimini pozan 20 nəfər və 2 iaşə obyekti cərimə edilib 5 Aprel 2020, 15:46 Azərbaycan millisi dünya reytinqində irəliləyib 5 Aprel 2020, 15:41 Xoşmissiyalı koronavirus 5 Aprel 2020, 15:37 Azərbaycanda koronavirusa 63 yeni yoluxma qeydə alındı 5 Aprel 2020, 15:20 İndoneziyada koronovirusa yoluxanların sayı 2270 nəfəri ötüb 5 Aprel 2020, 15:15 Azərbaycan-Rusiya əlaqələri strateji tərəfdaşlıq xarakteri daşıyır- Polad Bülbüloğlu 5 Aprel 2020, 15:11 Rusiyada koronavirusa yoluxanların sayı 5 400 nəfərə çatır 5 Aprel 2020, 15:05 Hondurasın eks-prezidenti ABŞ-da öldü 5 Aprel 2020, 14:58 "Fənərbağça"nın kapitanı azərbaycanlılara müraciət etdi  5 Aprel 2020, 14:51 İranda koronavirusdan ölənlərin sayı 3 600 nəfəri ötdü 5 Aprel 2020, 14:48 Naftalanda onlayn Yoqa məşğələləri – Evdə qal, sağlam qal! 5 Aprel 2020, 14:45 Azərbaycanda koronavirusla mübarizədə ordudan istifadə oluna bilərmi? – Fərid Şəfiyev cavablayır 5 Aprel 2020, 14:34 Evdən çıxarkən üstünüzdə bu sənədlər olsun - XƏBƏRDARLIQ 5 Aprel 2020, 14:22 Apteklərdəki spirtlə bağlı əhaliyə ciddi xəbərdarlıq 5 Aprel 2020, 14:14 Bakıda qadın yanğın zamanı özünü binadan yerə ataraq ölüb 5 Aprel 2020, 14:06 Ukraynada koronavirusdan ölənlərin sayı isə 32-yə çatıb 5 Aprel 2020, 14:05 Daha 2 ölkədə koronavirus aşkarlandı 5 Aprel 2020, 14:04 Mariya Stadnik Olimpiya reytinq siyahısında ikinci pillədə qərarlaşıb 5 Aprel 2020, 14:02