Modern.az

Ermənistanın raket zərbələri Gəncədəki alman tarixi və mədəni irsi üçün təhlükədir

Ermənistanın raket zərbələri Gəncədəki alman tarixi və mədəni irsi üçün təhlükədir

Diaspor

20 Oktyabr 2020, 13:21

Ermənistan ərazisindən Azərbaycanın cəbhə bölgəsindən uzaqda olan Gəncə, Şəmkir şəhərlərini raket atəşinə tutması almanların bu ərazidə qorunan tarixi və mədəni irsini təhlükə altına qoyur.

 

Modern.az xəbər verir ki, bu fikir Alman-Azərbaycan Cəmiyyətinin İdarə Heyətinin sədri, professor Çingiz Abdullayevin imzası ilə Almaniyanın hökumət və bundestaq (parlament) üzvlərinə ünvanlanan məqaləsində əksini tapıb. Qeyd edilib ki, söhbət 200 il öncə Gəncə ətrafında, əsasən Göy-Göl (Helenendorf) və Şəmkir (Annenfeld) ərazisinə Baden-Vürtenberq torpağından köç edərək məskunlaşan almanların bu gün respublikada, o cümlədən Gəncədə qorunan tarixi və mədəni irsindən gedir.

 

Müəllif xatırladıb ki, Azərbaycanda alman irsi yaxşı mühafizə olunur və Azərbaycan Prezidenti İlham Əliyevin 30 avqust 2016-cı il tarixli "Cənubi Qafqaz regionunda alman məskənlərinin salınmasının 200 illiyi haqqında" imzaladığı sərəncam buna sübutdur. Amma işğalçı Ermənistan ordusunun artilleriya və raket zərbələri alman abidələrinə də ziyan vura bilər.

 

"Qərb və Şərqin qovşağında yerləşən Azərbaycan Respublikası beynəlxalq münasibətlər sisteminin faktorudur. Onun suverenliyi beynəlxalq hüquq normaları ilə qorunur. Xalqımızın ərazi bütövlüyü uğrunda apardığı mübarizə dövlətimizin suveren hüququdur. Bu mənada multikultural ənənələri özündə birləşdirən, tolerant dəyərləri qoruyan Azərbaycan xalqına qarşı yönələn erməni təcavüzünə nə ad verək?", - deyə professor sual edib.

 

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir