Onlayn dərs zamanı dövlət bayrağını başına keçirib rəqs etdiyi üçün qovulan tələbə universitetə bərpa olunub.
Modern.az-ın xəbərinə görə, bu barədə onun tələbə yoldaşları məlumat veriblər.
Bildirilib ki, Bakı Dövlət Universitetinin (BDU) Mexanika-riyaziyyat fakültəsinin I kurs tələbəsi Pərviz Məhəmmədov universitetdə təhsilini davam etdirəcək.
Qeyd edək ki, noyabrın 28-də Pərviz Məhəmmədov BDU-ya çağırılaraq onunla söhbət aparılıb. Daha sonra onun əməlinə görə üzürxahlıq etdiyi videomüraciət yayılıb.