Modern.az

“Qorqudnamə” kitabının təqdimatı keçirildi - FOTO

“Qorqudnamə” kitabının təqdimatı keçirildi - FOTO

23 Yanvar 2021, 20:47

Milli Məclisin Mədəniyyət komitəsinin sədri Qənirə Paşayeva Beynəlxalq Türk Mədəniyyəti və İrsi Fondunda qardaş Türkiyənin tanınmış şairi, araşdırmaçı və tərcüməçi Kənan Çarboğanın “Qorqudnamə” kitabının təqdimat mərasimində çıxış edib və gənclərə çağırış edib.

 

Modern.az-ın məlumatına görə, Q.Paşayeva kitab haqqında fikirlərini bölüşərkən, mövzunun umumtürk mədəniyyəti, türk mədəni irsi baxımından xüsusi önəmini vurğulayıb.

 

Müəllifin imzasının Azərbaycan ədəbiyyatçıları və türkoloqlarına yaxşı məlum olduğunu deyən Q.Paşayeva, onun kitabının TÜRKSOY-un dəstəyi ilə nəşr edildiyini və tədbirin  Beynəlxalq Türk Mədəniyyəti və İrsi Fondunda,bundan öncə ilk rəmzi təqdimatında Füzulidə, ermənilərin dağıtdığı “Araz” qəzeti redaksiyasının qalıqları önündə keçirilməsinin çox anlamlı olduğunu söyləyib.

 

Təqdimatdan sonra TÜRKSOY Baş katibi Prof.Dr. Düsen Kaseinov və Beynəlxalq Türk Mədəniyyəti və İrsi Fondunun rəhbəri Günay Əfəndiyeva ilə görüşən Q.Paşayeva hər iki ortaq türk qurumu ilə Mədəniyyət Komitəsinin gələcək əməkdaşlığına dair fikir mübadiləsi aparıb.

 

Qarşılıqlı maraq doğuran məsələnin müzakirəsindən sonra Q.Paşayeva D.Kaseinov və G.Əfəndiyevaya üzərində "Şuşa Azərbaycandır!" yazılmış qol saatı bağışlayıb.

D.Kaseinova Azərbaycan Vətən Müharibəsi vaxtı verdiyi mənəvi dəstəkçün Komitə adından Təşəkkür Məktubu da təqdim edən Q.Paşayeva "Qoy saatlarımız bundan sonra bizi Mədəniyyət Paytaxtımızda keçirəcəyimiz yeni tədbirlərə daha da yaxınlaşdırsın" deyib.

 

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi