Xarici işlər naziri Elmar Məmmədyarov gələn həftə Nyu-Yorka gedəcək. XİN-in mətbuat xidmətindən Modern.az-a verilən məlumata görə, E. Məmmədyarovun rəhbərlik etdiyi Azərbaycan nümayəndə heyəti BMT Baş Assambleyasının 67-ci sessiyasında iştirak etmək məqsədi ilə sentyabrın 24-28-də Nyu-York şəhərinə səfər edəcəkdir.
Səfər çərçivəsində Nazir Elmar Məmmədyarovun İslam Əməkdaşlıq Təşkilatına üzv ölkələrin illik iclasında, həmçinin GUAM-a üzv ölkələrin xarici işlər nazirlərinin iclasında iştirakı nəzərdə tutulur. Nazir Elmar Məmmədyarovun BMT-nin Baş Assambleyasında çıxışı 28 sentyabr tarixinə planlaşdırılır.
Elmar Məmmədyarovun həmçinin bir sıra ikitərəfli görüşləri nəzərdə tutulur.
Modern.az