Arxiv
16 Avqust 2021, 09:11 | ZƏNGƏZUR
“Zəngəzur dəhlizi Ermənistanı blokadadan çıxaracaq” - Sabiq dövlət müşaviri

Prezident İlham Əliyev “CNN Türk” televiziyasına müsahibəsində bir sıra vacib məqamlara toxundu. Ölkə başçısı növbəti dəfə Zəngəzur dəhlizinin açılmasından söz açaraq, bunun Avrasiyanın yeni nəqliyyat layihəsinə çevrilə biləcəyini söylədi. 

 

“Bu, eyni zamanda, bölgə ölkələri üçün də yeni fürsət olacaq. Türkiyə öz mallarını Orta Asiyaya bu daha qısa yolla, alternativ yolla daşıya biləcək. Beləliklə, bu, Avrasiyanın yeni bir nəqliyyat layihəsinə çevrilə bilər. Biz bunu artıq təşəbbüs olaraq ortaya qoymuşuq. Bu dəhlizə Zəngəzur dəhlizi adını da biz qoymuşuq. Artıq bu, beynəlxalq leksikona da daxil edilibdir. Mən bilirəm ki, Avropa İttifaqı bu məsələyə də çox müsbət yanaşır. Bu yaxınlarda Avropa İttifaqı Şurasının Prezidenti cənab Şarl Mişel Bakıda olarkən bu məsələ ilə bağlı biz geniş fikir mübadiləsi apardıq və onlar da təbii ki, bu layihəni çox dəstəkləyirlər. Yəni, bu, həm Türkiyə, həm Azərbaycan, həm bölgə üçün və o cümlədən Ermənistan üçün də yeni fürsət olacaq. Mən artıq dedim, onlar Rusiya və İranla bu dəmir yolu ilə bağlantı yarada bilərlər. Çünki Ermənistan-İran dəmir yolunun inşası bəlkə də 20 il müzakirə edilən bir məsələdir. Amma hələ ki, ortalıqda bir şey yoxdur. Çünki bu layihə təqribən ən azı 3 milyard dollar tələb edir. Ancaq Naxçıvan ərazisindən, - Naxçıvan ilə İran arasında artıq dəmir yolu xətti var, - istifadə edə bilərlər”, - deyə Prezident müsahibəsində yenidən Zəngəzur dəhlizi məsələsinə diqqət ayırdı.

 

Sabiq dövlət müşaviri, politoloq Qabil Hüseynli Modern.az-a açıqlamasında bildirib ki, Zəngəzur dəhlizi dünyanın əhəmiyyətli logistik qovşaqlarından birinə çevrilə bilər. Onun fikrincə, Ermənistan Zəngəzur dəhlizi vasitəsilə İranla əlaqələrini genişləndirə biləcək.

 

"Bu dəhlizlə həm Avropa, həm də Asiya qitəsi ilə, eləcə də yaxın Şərqlə dəmir yolu xəttini qaydaya salmaq olar. Bu gün İranın Avropaya açılan qapısı ya dəniz yolu, ya da Zəngəzur dəhlizi ilə mümkündür. Dəmir yolu vasitəsilə də ola bilər, ancaq bu xeyli büdcə tələb edən çətin ideadır. Biz gizlətmirik ki, iqtisadi və geostrateji maraqlarımız var.

 

Bəziləri hesab edir ki, bu dəhlizi yalnız Türkiyə ilə əlaqələr üçün yaradırıq. Ancaq Bakı-Tiblisi-Qars dəmir yolu ilə həm Avropaya, həm də Asiyaya açılan qapımız var. Açılacaq ikinci dəmir yolu Şərq ölkələri arasındakı iqtisadi əlaqələri gücləndirmək üçün istifadə ediləcək. Ən əsası Ermənistan üçün əlverişli imkanlar yaranacaq. Blokadadan çıxacaq, Avropa, Rusiya və Asiyaya dəmir yolu qapısı açılacaq. Bu layihədə daha çox qazanan elə Ermənistan olacaq. Zəngəzur dəhlizi vasitəsilə qardaşı İranla da əlaqələrini genişləndirəcək. İqtisadi layihəyə müqavimət göstərən bəzi dairələr artıq mövqeyini dəyişib. Dəmir yolunun açılması bütün kommunikasiyaların açılmasına ilə əlaqədardır", - deyə politoloq vurğulayıb.

 

Humay İsgəndərova

BU KATEQORİYADAN OLAN DİGƏR XƏBƏRLƏR
+ Arxiv
Somalidə toqquşma - 30 ölü 25 Oktyabr 2021, 00:52 Pikassonun 11 əsəri 110 milyon dollara satıldı - FOTOLAR 25 Oktyabr 2021, 00:38 XİN-dən Qubadlı PAYLAŞIMI 25 Oktyabr 2021, 00:14 Qubadlının işğaldan azad olunmasından 1 İL ÖTÜR 25 Oktyabr 2021, 00:05 Türkiyədə koronavirusla bağlı son vəziyyət 24 Oktyabr 2021, 23:48 Nigeriyada neft zavodunda partlayış: 25 ölü 24 Oktyabr 2021, 23:20 AMEA-nın folklorşünas alimi VƏFAT ETDİ 24 Oktyabr 2021, 22:58 Cüdoçularımızdan dünya çempionatında 8 MEDAL 24 Oktyabr 2021, 22:51 Füzuli Beynəlxalq Hava Limanındandan VİDEOREPORTAJ 24 Oktyabr 2021, 22:18 “Liverpul” “Mançester Yunayted”ı darmadağın etdi 24 Oktyabr 2021, 22:08 Özbəkistan SEÇKİLƏR -Fəallıq 80%-dən çox olub 24 Oktyabr 2021, 21:51 Gürcüstan-Ermənistan sərhədində ZƏLZƏLƏ 24 Oktyabr 2021, 21:32 Aİ Kabildə diplomatik missiyasını BƏRPA EDİR 24 Oktyabr 2021, 21:14 Özbəkistanda prezident seçkiləri YEKUNLAŞDI 24 Oktyabr 2021, 21:02 "Real Madrid" "Barselona"nı səfərdə məğlub etdi 24 Oktyabr 2021, 20:23 Daha biri koronavirus xəstəsi Metroda 24 Oktyabr 2021, 20:10 Rusiyada təyyarə qəzası - Ölənlər var 24 Oktyabr 2021, 19:45 “Qəbələ” “Keşlə”yə qalib gəldi 24 Oktyabr 2021, 19:12 DİM imtahan nəticələrini AÇIQLADI 24 Oktyabr 2021, 19:08 Qətlə yetirilən soydaşımızın nəşi vətənə GƏTİRİLƏCƏK 24 Oktyabr 2021, 17:59 Əlcəzairdən fransızca qadağası 24 Oktyabr 2021, 17:44 Consondan çağırış 24 Oktyabr 2021, 17:36 Koronavirusa qarşı PEYVƏNDLƏNƏNLƏR 24 Oktyabr 2021, 17:25 Son sutkada YOLUXANLAR - Ölənlər artdı 24 Oktyabr 2021, 17:21 İranda koronavirus mənzərəsi 24 Oktyabr 2021, 17:19 Taliblərdən İran imtinası 24 Oktyabr 2021, 17:08 Polkovnikin nəvəsi intihar etdi 24 Oktyabr 2021, 16:58 Şahinlərimiz Türkiyədən geri dönür  24 Oktyabr 2021, 16:51 Gürcüstanın virus mənzərəsi 24 Oktyabr 2021, 16:39 Baş nazirə 15 illik cəza  24 Oktyabr 2021, 16:26 İbrahimoviçdən növbəti ilk  24 Oktyabr 2021, 16:15 Əsl insan gözəllikdə gözəlliyi görməyi bacarandır - Deputat 24 Oktyabr 2021, 16:05 Özbəkistanda seçki baş tutdu 24 Oktyabr 2021, 15:51 66 milyon illik skelet rekord qiymətə... 24 Oktyabr 2021, 15:46 Professor dünyasını dəyişdi 24 Oktyabr 2021, 15:34