Ermənistanın ATƏT Parlament Assambleyasındakı nümayəndə heyətinin rəhbəri Aram Safaryan bu beynəlxalq qurumun Dağlıq Qarabağda yerli ofisini açmağa çağırıb.
Modern.az “panarmenian”-a istinadən bildirir ki, Safaryan Qarabağın danışıqlar prosesinə daxil edilməsinin vacibliyini deyib. Onun sözlərinə görə, “Dağlıq Qarabağla iş ATƏT-in burada açılacaq yerli diplomatik missiyasının ofisi tərəfindən apara bilər”.
Safaryan bildirib ki, Minsk Qrupu ATƏT-in Qarabağda yerli ofisinin açılması üçün müvafiq strukturlara müraciət etməlidir.
