Azərbaycan prezidenti İlham Əliyevin Tehran səfəri ilə yeni rəsmi mövqe sərgilənib. Modern.az İran mətbuatına istinadən xəbər verir ki, bu ölkənin prezidenti Həsən Ruhani azad iqtisadi zonaların (AİZ) rəhbərləri ilə görüşündə çıxış edərkən İ. Əliyevin səfəri zamanı müzakirə olunacaq bəzi məsələlərə aydınlıq gətirib. Onun sözlərinə görə, Azərbaycan prezidentinin Tehrana səfəri çərçivəsində Culfa dəmir yolunun Azərbaycan Respublikasına və bu vasitə ilə Ermənistan və Avropaya birləşdiriləcəyi mövzusu gündəlikdə dayanır. “Bununla da Araz və Maku azad iqtisadi zonalarının ticarət şəraiti daha da genişlənəcək”, – deyə H. Ruhani bildirib.
AİZ Katibliyinin Əlaqələndirmə Şurasının ictimai əlaqələr şöbəsindən verilən məlumata əsasən, prezident H. Ruhani ölkənin Azad Zonalarının İranın inkişafı və müqavimət iqtisadiyyatının gerçəkləşməsindəki rolunu çox önəmli adlandırıb.
