“Azadlıq radiosu"nun tatar-başqırd xidmətinin jurnalisti, ABŞ vətəndaşı olan Alsu Kurmaşeva da bugünkü mübadilə çərçivəsində Rusiya tərəfindən azadlığa buraxılıb.
Modern.az xəbər verir ki, o, Evan Qerşkoviç və digər ABŞ-dan olan məhbuslarla birgə azad olunub.
Keçən həftə Tatarıstanın Ali Məhkəməsi onu Rusiya ordusu ilə bağlı “saxta xəbərlər” yaymaq maddəsi ilə 6,5 il müddətinə azadlıqdan məhrum etmişdi.
***
22.07.2024 / 17:36
Rusiyada jurnalist Alsu Kurmaşeva 6,5 il müddətinə azadlıqdan məhrum edilib.
Modern.az xəbər verir ki, bu barədə "Associated Press" məhkəmə iclasının səs yazısına istinadən məlumat yayıb.
Tatarıstanın Ali Məhkəməsi "İdel.Realii"nin jurnalisti Alsu Kurmaşevaya hökm çıxarıb. İşə bağlı qapılar arxasında baxılıb. Onun Rusiya və Amerika vətəndaşlığı var
Jurnalist “Azadlıq radiosu"nda işləyirdi və Praqada yaşayırdı, bəzən Rusiyaya da gedib-gəlirdi. 2023-cü ilin iyun ayında o, “təcili ailə ehtiyacı ilə əlaqədar” Rusiya Federasiyasına gedib və geri uçmaq istəyəndə hava limanında saxlanılıb və həm Amerika, həm də Rusiya pasportları götürülüb.
