Bu il ilk dəfə tələbə qəbulu aparılacaq universitetlərin plan yerləri açıqlanıb.
Modern.az saytı xəbər verir ki, 2024-2025-ci tədris ilində ilk dəfə Azərbaycanda 3 universitetə qəbul həyata keçiriləcək.
Bunlar Qarabağ Universiteti, Türkiyə-Azərbaycan Universiteti və İtaliya-Azərbaycan Universitetidir.
Bu il Xankəndidə yerləşən Qarabağ Universitetinə 1120 tələbə qəbulu həyata keçiriləcək.
Türkiyə-Azərbaycan Universitetinə 90 tələbə qəbul ediləcək.
İtaliya-Azərbaycan Universitetlərinə isə 160 qəbul yeri ayrılıb.
Qarabağ Universiteti və Türkiyə-Azərbaycan Universitetində təhsil ödənişsiz, İtaliya-Azərbaycan Universitetində isə yalnız ödənişli olacaq.
Belə ki, İtaliya-Azərbaycan Universitetlərində 4 ixtisasa qəbul həyata keçiriləcək, hər bir ixtisasın illik təhsil haqqı 6000 manat təşkil edəcək.
Bu il iniversitetlərə ixtisas seçimi avqustun 10-dan sonra aparılacaq.
Qeyd edək ki, universitetlərinin qəbul planı haqda ilk məlumatı Təhsildə Təhlil və Kommunikasiyalar Mərkəzinin rəhbəri Kamran Əsədov açıqlayıb.
A.Qorxmaz
