Armaniston Konstitutsiyaviy sudi “Xalqaro tinchlik va farovonlik yoʻlida Tramp marshruti” (TRIPP) loyihasi boʻyicha kelishuv yuzasidan qaror qabul qildi.
Modern.az xabar berishicha, sud Armaniston va AQSh oʻrtasida imzolangan doiraviy bitimdan kelib chiqadigan majburiyatlar mamlakat Konstitutsiyasiga zid emas degan xulosaga keldi.
Masalani koʻrib chiqish uchun uch kun belgilangan boʻlsa-da, Konstitutsiyaviy sud qarorni bir sutkadan kamroq vaqt ichida chiqardi. Ish yozma tartibda, ogʻzaki tinglovlar oʻtkazilmasdan koʻrib chiqildi. Armaniston ommaviy axborot vositalari qaror 16-sentabr kuni eʼlon qilinganini maʼlum qildi.
TRIPP loyihasi Ozarbayjonning asosiy qismi va Naxchivan Avtonom Respublikasi oʻrtasida Armaniston janubidan oʻtuvchi transport aloqasini yaratishni nazarda tutadi.
Konstitutsiyaviy sud qaroridan soʻng, kelishuv ratifikatsiya qilish uchun Armaniston parlamentiga taqdim etilishi kutilmoqda. Armaniston hukumati ratifikatsiya jarayoni shu tartibda amalga oshirilishini avvalroq eʼlon qilgan edi
