Ozarbayjon tashqi ishlar vaziri Jeyhun Bayramov armanistonlik hamkasbi Ararat Mirzoyan bilan Birlashgan Millatlar Tashkiloti Bosh Assambleyasi doirasida 24-sentabr kuni Nyu-Yorkda uchrashuv o‘tkazdi.
Modern.az xabar berishicha, bu haqda Ozarbayjon Tashqi ishlar vazirligi (TIV) ma’lumot tarqatdi.
Qayd etilishicha, har ikki vazir Ozarbayjon va Armaniston o‘rtasida tinchlikning ahamiyatini ta’kidlab, 2025-yil Vashington Tinchlik Sammiti doirasida erishilgan kelishuvlardan so‘ng qo‘lga kiritilgan yutuqlarni ko‘rib chiqdilar.
Bildirilishicha, uchrashuvda Ozarbayjon va Armaniston o‘rtasida iqtisodiy va transport infratuzilmasini ochishga alohida e’tibor qaratildi. Shu nuqtai nazardan, tinchlikning amaliy namunalari sifatida Ozarbayjon va Armaniston o‘rtasidagi savdo va tranzit aloqalari ta’kidlandi.
Vazirlar turli ko‘p tomonlama platformalarda ijobiy kun tartibini ilgari surish imkoniyatlari haqida fikr almashdilar.
Vazirlar to‘g‘ridan-to‘g‘ri muloqotni davom ettirishga kelishib oldilar.
