Rauf Denktaşın dəfnində iştirak edən Azərbaycanın millət vəkili Qənirə Paşayeva Şimali Kipr Türk Cümhuriyyətinin (ŞKTC) Parlamentinin spikeri Hasan Bozerlə görüşüb. Deputat ona ŞKTC-nin qurucu lideri Rauf Denktaşın ölümü ilə bağlı başsağlığı verib və Azərbaycan xalqının kədərinin çatdırıb. Rauf Denktaşın Türk Dünyasının hər yerində, o cümlədən Azərbaycanda da çox sevildiyini bildirən Qənirə Paşayeva deyib ki, Türk insanı harada yaşamasından asılı olmayaraq onun xidmətlərini heç zaman unutmayacaq. Qənirə Paşayeva həmçinin Türkiyənin Kanal D, CNN Türk, “Kanaltürk” kanallarına və “Sabah” qəzetinə müsahibəsində ŞKTC-nin əfsanəvi lideri və qurucu prezidenti, Türk Dünyasının böyük oğlu Rauf Denktaş barədə, azərbaycanlıların ona sevgi və sayğısı haqqında və özünün onunla bağlı xatirələrindən danışıb.
Modern.az
